星島日報

【獨家】讚陳豪事業家庭完全兼顧到 李佳芯目標要做包租婆

2020-07-30 21:00
李佳芯在《殺手》中同陳豪有牀戲,兩人輕輕鬆鬆談情,中和沉重嘅劇集題材。
李佳芯在《殺手》中同陳豪有牀戲,兩人輕輕鬆鬆談情,中和沉重嘅劇集題材。

TVB熱播劇《殺手》收視報捷,最新跨平台收視有31.3點。劇中李佳芯(Ali)相當搶戲,完全發揮到師奶仔「Cash」的貪錢本色,演技獲讚。一度被指事業告急嘅Ali,落實於8月中拍新劇。對於近年事業高低起伏,她說:「眼前有乜路就行好嗰條路,呢個方式係最簡單,就算面對疫情所持態度都係一樣。」採訪:方騫平 化妝:Evelyn Ho 髮型:Ziv Lau @il Colpo 服裝:Claudie Pierlot Paris

李佳芯在《殺手》中同陳豪有牀戲,兩人輕輕鬆鬆談情,中和沉重嘅劇集題材。
李佳芯在《殺手》中同陳豪有牀戲,兩人輕輕鬆鬆談情,中和沉重嘅劇集題材。
李佳芯享受現階段舒適生活,有工開又有愛錫自己嘅人。
李佳芯享受現階段舒適生活,有工開又有愛錫自己嘅人。

劇中李佳芯情傾浪子「Zero」陳豪(Moses),戲裏戲外,Ali對陳豪都高度讚賞:「愈合作得耐,愈覺得佢好犀利,佢好似唔使瞓咁,就算收工幾夜都好,一早仍然會湊小朋友返學,仲會keep住食白烚嘢、做運動。」眼見Moses有個溫馨嘅家,跟陳炳銓感情穩定嘅Ali可有諗過變身陳師奶?她笑說:「我𠵱家最想做包租婆,等我喺呢兩年做吓功課先,至於結婚更加隨緣,當兩個人結成一體,一加一唔係等於二,只係減為一,最緊要係有呢個衝動,冇得迫對方,我又唔心急。」講到男方陪住她走過事業低潮,係咪會更加珍惜身邊人?Ali即笑說,「哈!我都有陪伴佢嘅時候,而且一向好珍惜身邊人,唔關高低潮事。」

劇中飾演一個貪錢師奶仔,李佳芯話有少少亂嚟,將自己有嘅神經質放大咗去演。
劇中飾演一個貪錢師奶仔,李佳芯話有少少亂嚟,將自己有嘅神經質放大咗去演。
Ali同陳炳銓拍拖6年,但現時未有結婚衝動。
Ali同陳炳銓拍拖6年,但現時未有結婚衝動。

見步行步最實際

Ali又大談對近年經歷嘅感受:「唔只係我,全世界人最大感受係疫情,天災人禍隨時會出現,所以以前定下嘅計劃,想做啲乜,搵幾多錢,攞乜獎,其實身外物唔重要,最後回歸返有冇健康身體,身邊有冇愛你嘅人及你愛嘅人,有冇時間陪伴對方。人去到某個階段,當你面對控制唔到嘅嘢,包括疫情、失業、健康等問題,人可以做嘅嘢唔多所以無力感好大,最簡單係眼前有乜路就行好嗰條路,呢個心態每個時候都用得着。現階段無論事業、健康及朋友都平衡得最好,反而最enjoy,最舒服。」

推出處女著作散文集《心之所往》係Ali一直想做嘅事,她強調唔係要做才女,只係想分享平淡嘅真實故事。
推出處女著作散文集《心之所往》係Ali一直想做嘅事,她強調唔係要做才女,只係想分享平淡嘅真實故事。
兩年前,Ali憑着《BB來了》拎視后,事業踏上高峰。
兩年前,Ali憑着《BB來了》拎視后,事業踏上高峰。
3年前喺事業高峰期,Ali曾入院切除卵巢腫瘤,令她體會到健康重要性。
3年前喺事業高峰期,Ali曾入院切除卵巢腫瘤,令她體會到健康重要性。

最新回應

關鍵字

相關新聞

熱門文章