【疫情影響】《殺手》收視佳無助賺外快 龔嘉欣好想拍續集

龔嘉欣與黎耀祥等今日到將軍澳電視城出席《殺手》宣傳活動，活動上宣佈最新七天跨平台總收視達31.3點，問到對收視是否滿意？祥仔說：「OK啦！我唔睇收視但睇口碑，始終題材比較新及特別，而觀眾睇得到我哋嘅誠意。」

問到劇集反應好可會開續集？嘉欣坦言好想，更指名要再夥拍祥仔，她說：「最重要是祥哥開聲（開續集）！」祥仔聞言說：「當然要同你拍啦！冇咗你就顯得我太淒涼嘞。」他又明言不怕辛苦，腹肌亦隨時都準備好，但因為動作戲要吊「威吔」，希望在冬天拍，笑言續集可取名《殺手：這個冬天不太冷》。

提到一般劇集出街會帶動藝人接job，現在疫情下是否見財化水？二人都表示工作大多延期及取消，嘉欣透露好彩得客戶支持，接到網上廣告工作，笑言都可以追上原定的收入，覺得好感恩，而祥仔就笑言不習慣玩社交網，要嘉欣幫忙Sell一吓，爭取拍檔賺錢機會。

對於「禁堂食令」明日取消，祥仔有留意到打工仔苦況，但亦呼籲大家不要放下戒心做好消毒工作。他早前亦因到訪過電台而接受檢測，指消息一出收到大家的關心，亦擔心過自己做檢測加重醫護壓力，但始終是一份責任，最重要是能夠安心。