星島日報

【獨家】放養式教育 仔女出街狂跳碌沙發 陳茵媺拒做「虎媽」唔打唔鬧

2020-07-30 21:10
Aimee採取「放養教育」,就算仔女出街狂跳、碌梳化,她都唔喝罵。
Aimee採取「放養教育」,就算仔女出街狂跳、碌梳化,她都唔喝罵。

「模範夫妻」陳茵媺(Aimee)和陳豪(阿Mo)自小於外國成長,所以湊仔方式都好「西化」,即採取「放養教育」,讓子女多接觸外界、自由發展。好似日前Aimee就帶大仔Aiden和二仔Nathan去行山,探索唔同品種嘅昆蟲及植物;之後一家五口去海灘,兩夫婦又睇住3個寶貝喺浮台跳落海,Free到爆!而早前趁疫情緩和時,Aimee終帶仔女「出城」,她湊完Nathan去淺水灣食Tea後,另一日又帶埋餅印孻女Camilla去行街,其間兩隻馬騮High爆狂跳兼碌沙發,不過Aimee並冇喝罵,繼續笑笑口好優雅。採訪:張詠森

Aimee採取「放養教育」,就算仔女出街狂跳、碌梳化,她都唔喝罵。
Aimee採取「放養教育」,就算仔女出街狂跳、碌梳化,她都唔喝罵。
去到超市,Nathan好乖咁幫媽咪揀橙。
去到超市,Nathan好乖咁幫媽咪揀橙。

疫情爆發期間,陳氏一家都好聽話冇周圍走,只係間中「閉關」太耐,兩夫婦先帶3個小朋友去南灣寓所附近、人煙稀少的山徑及沙灘唞唞氣,順道進行戶外學習。記得陳茵媺講過,唔會做「怪獸家長」,盡量放手畀小朋友嘗試,從而訓練他們的自信心,所以平時都任由仔女發展,成功養育出乖巧聽話又獨立的3個寶貝,難怪老公陳豪也讚老婆好本事!

活潑二仔
早前於第三波疫情爆發前,Aimee湊住剛放學的Nathan到淺水灣食Tea,兩母子在西餐廳叫了兩份All day breakfast share食,在媽咪分嘢食期間,古靈精怪的Nathan忽然將塊檸檬擺入口,結果酸到乸口乸面,身旁的Aimee就好淡定扮睇唔到,但其實隔住個口罩都見到她偷偷笑到瞇晒眼。其後發現記者,Aimee又叫囝囝對鏡頭Say hi,點知Nathan萌爆揮完手,即怕醜到縮落枱底,超搞笑!食飽後,二人便到超市買芒果、橙和橙汁,其間囝囝仲好似樹熊咁攬實Aimee,好鬼Sweet。

Nathan見到記者即怕醜捐枱底,Aimee就笑晒向鏡頭Say hello。
Nathan見到記者即怕醜捐枱底,Aimee就笑晒向鏡頭Say hello。
Camilla坐定定等Aimee買鞋,Nathan就喺沙發碌到四腳朝天。
Camilla坐定定等Aimee買鞋,Nathan就喺沙發碌到四腳朝天。

跳到甩帽
事隔4日,Aimee帶埋二仔和細女Camilla去IFC行街,當媽咪在揀鞋、試鞋時,坐唔定的Nathan就一路喺沙發上「健身」,不停碌嚟碌去玩到四腳朝天,Aimee冇開聲鬧,而跟她餅印一樣的Camilla就似足媽咪咁Elegant,全程安靜坐喺度等。買到一袋二袋的Aimee都好識做,獎勵陪逛的仔女食乳酪,Nathan一見到即興奮到手舞足蹈,Aimee還展示臂力逐一抱起揀口味;等極未有得食的Camilla,卒之都忍唔住跳高睇吓整好未,見小妹妹彈彈吓連帽都甩埋,媽咪唯有攞杯試食畀囡囡頂住先,Camilla接過即拉低口罩慢慢品嘗,為食樣勁得意!

兩母子早前到淺水灣食Tea,其間Nathan咬咗啖檸檬即酸到乸口乸面。
兩母子早前到淺水灣食Tea,其間Nathan咬咗啖檸檬即酸到乸口乸面。
Nathan逛逛吓忽然攬實媽咪,好嗲豬。
Nathan逛逛吓忽然攬實媽咪,好嗲豬。
滿載而歸的Aimee臨走前帶仔女去買乳酪,仲抱起仔女揀口味。
滿載而歸的Aimee臨走前帶仔女去買乳酪,仲抱起仔女揀口味。
Camilla勁心急彈彈吓「裝」幾時有得食,搞到頂草帽仔都甩埋。
Camilla勁心急彈彈吓「裝」幾時有得食,搞到頂草帽仔都甩埋。
Camilla和Nathan一有得試食即開心除罩慢慢嗒。
Camilla和Nathan一有得試食即開心除罩慢慢嗒。
Aimee拖實仔女去攞車返歸,小朋友好乖咁同記者講拜拜。
Aimee拖實仔女去攞車返歸,小朋友好乖咁同記者講拜拜。
本港再爆發疫情,近日陳氏夫婦都只帶仔女去較少人的海灘、郊區放電。
本港再爆發疫情,近日陳氏夫婦都只帶仔女去較少人的海灘、郊區放電。
早前Aimee更在廳內搭起帳幕,讓小朋友體驗「家中露營」。
早前Aimee更在廳內搭起帳幕,讓小朋友體驗「家中露營」。

最新回應

關鍵字

相關新聞

熱門文章