星岛日报

【独家】放养式教育 仔女出街狂跳碌沙发 陈茵媺拒做「虎妈」唔打唔闹

2020-07-30 21:10
Aimee采取「放养教育」,就算仔女出街狂跳、碌梳化,她都唔喝骂。
Aimee采取「放养教育」,就算仔女出街狂跳、碌梳化,她都唔喝骂。

「模范夫妻」陈茵媺(Aimee)和陈豪(阿Mo)自小于外国成长,所以凑仔方式都好「西化」,即采取「放养教育」,让子女多接触外界、自由发展。好似日前Aimee就带大仔Aiden和二仔Nathan去行山,探索唔同品种嘅昆虫及植物;之后一家五口去海滩,两夫妇又睇住3个宝贝喺浮台跳落海,Free到爆!而早前趁疫情缓和时,Aimee终带仔女「出城」,她凑完Nathan去浅水湾食Tea后,另一日又带埋饼印孻女Camilla去行街,其间两只马骝High爆狂跳兼碌沙发,不过Aimee并冇喝骂,继续笑笑口好优雅。采访:张咏森

Aimee采取「放养教育」,就算仔女出街狂跳、碌梳化,她都唔喝骂。
Aimee采取「放养教育」,就算仔女出街狂跳、碌梳化,她都唔喝骂。
去到超市,Nathan好乖咁帮妈咪拣橙。
去到超市,Nathan好乖咁帮妈咪拣橙。

疫情爆发期间,陈氏一家都好听话冇周围走,只系间中「闭关」太耐,两夫妇先带3个小朋友去南湾寓所附近、人烟稀少的山径及沙滩唞唞气,顺道进行户外学习。记得陈茵媺讲过,唔会做「怪兽家长」,尽量放手畀小朋友尝试,从而训练他们的自信心,所以平时都任由仔女发展,成功养育出乖巧听话又独立的3个宝贝,难怪老公陈豪也赞老婆好本事!

活泼二仔
早前于第三波疫情爆发前,Aimee凑住刚放学的Nathan到浅水湾食Tea,两母子在西餐厅叫了两份All day breakfast share食,在妈咪分嘢食期间,古灵精怪的Nathan忽然将块柠檬摆入口,结果酸到乸口乸面,身旁的Aimee就好淡定扮睇唔到,但其实隔住个口罩都见到她偷偷笑到眯晒眼。其后发现记者,Aimee又叫囝囝对镜头Say hi,点知Nathan萌爆挥完手,即怕丑到缩落枱底,超搞笑!食饱后,二人便到超市买芒果、橙和橙汁,其间囝囝仲好似树熊咁揽实Aimee,好鬼Sweet。

Nathan见到记者即怕丑捐枱底,Aimee就笑晒向镜头Say hello。
Nathan见到记者即怕丑捐枱底,Aimee就笑晒向镜头Say hello。
Camilla坐定定等Aimee买鞋,Nathan就喺沙发碌到四脚朝天。
Camilla坐定定等Aimee买鞋,Nathan就喺沙发碌到四脚朝天。

跳到甩帽
事隔4日,Aimee带埋二仔和细女Camilla去IFC行街,当妈咪在拣鞋、试鞋时,坐唔定的Nathan就一路喺沙发上「健身」,不停碌嚟碌去玩到四脚朝天,Aimee冇开声闹,而跟她饼印一样的Camilla就似足妈咪咁Elegant,全程安静坐喺度等。买到一袋二袋的Aimee都好识做,奖励陪逛的仔女食乳酪,Nathan一见到即兴奋到手舞足蹈,Aimee还展示臂力逐一抱起拣口味;等极未有得食的Camilla,卒之都忍唔住跳高睇吓整好未,见小妹妹弹弹吓连帽都甩埋,妈咪唯有攞杯试食畀囡囡顶住先,Camilla接过即拉低口罩慢慢品尝,为食样劲得意!

两母子早前到浅水湾食Tea,其间Nathan咬咗啖柠檬即酸到乸口乸面。
两母子早前到浅水湾食Tea,其间Nathan咬咗啖柠檬即酸到乸口乸面。
Nathan逛逛吓忽然揽实妈咪,好嗲猪。
Nathan逛逛吓忽然揽实妈咪,好嗲猪。
满载而归的Aimee临走前带仔女去买乳酪,仲抱起仔女拣口味。
满载而归的Aimee临走前带仔女去买乳酪,仲抱起仔女拣口味。
Camilla劲心急弹弹吓「装」几时有得食,搞到顶草帽仔都甩埋。
Camilla劲心急弹弹吓「装」几时有得食,搞到顶草帽仔都甩埋。
Camilla和Nathan一有得试食即开心除罩慢慢嗒。
Camilla和Nathan一有得试食即开心除罩慢慢嗒。
Aimee拖实仔女去攞车返归,小朋友好乖咁同记者讲拜拜。
Aimee拖实仔女去攞车返归,小朋友好乖咁同记者讲拜拜。
本港再爆发疫情,近日陈氏夫妇都只带仔女去较少人的海滩、郊区放电。
本港再爆发疫情,近日陈氏夫妇都只带仔女去较少人的海滩、郊区放电。
早前Aimee更在厅内搭起帐幕,让小朋友体验「家中露营」。
早前Aimee更在厅内搭起帐幕,让小朋友体验「家中露营」。

最新回应

關鍵字

相關新聞

热门文章