星島日報

為新歌特調「天使與魔鬼酒」 余香凝吳嘉熙自認性格似烈酒

2020-07-30 12:00
疫情關係未能親身做宣傳,Jennifer和Cheronna日前配合新歌主題去調酒,希望樂迷聽歌時可從聽覺、視覺、味覺體會歌曲背後的意思。
疫情關係未能親身做宣傳,Jennifer和Cheronna日前配合新歌主題去調酒,希望樂迷聽歌時可從聽覺、視覺、味覺體會歌曲背後的意思。

余香凝(Jennifer)和吳嘉熙(Cheronna)早前首次合作創作新歌《天地分裂》,二人分別化身「天使」與「魔鬼」,以對唱方式帶出爭鬥效果。為迎合此曲,她們早前親手調製代表「天使」與「魔鬼」的酒,希望樂迷在聽歌和睇MV時,可以從聽覺、視覺、味覺體會新歌背後的意思,Cheronna表示︰「疫情期間,好多朋友都留在家中,知道唔少朋友都會在屋企飲悶酒,所以我們為這首歌特別配製的『天使與魔鬼』。」Jennifer說︰「這個新歌禮物細細樽,大家唔會易醉,可以邊飲酒又好放鬆咁聽我們首歌。」

炮製「天使與魔鬼」當日,兩位調酒新手可謂笑料百出,雖然有調酒師在旁指點,但兩人經常忘記調製次序及搖酒姿勢,其間Cheronna搖完酒後,竟開不到搖酒杯,搞到她尷尬大笑,結果她與Jennifer輪流使出「大聖劈掛」,擾攘一輪才成功把搖酒杯打開。第二次調酒的Cheronna仍搞到雞手鴨腳,她直言對調酒沒有天份;首次調酒的Jennifer就直言調上癮。

疫情關係未能親身做宣傳,Jennifer和Cheronna日前配合新歌主題去調酒,希望樂迷聽歌時可從聽覺、視覺、味覺體會歌曲背後的意思。
疫情關係未能親身做宣傳,Jennifer和Cheronna日前配合新歌主題去調酒,希望樂迷聽歌時可從聽覺、視覺、味覺體會歌曲背後的意思。
Jennifer和Cheronna親手調製代表「天使」與「魔鬼」的酒。
Jennifer和Cheronna親手調製代表「天使」與「魔鬼」的酒。

代表「天使」的Jennifer笑言兩款酒表裡不一,自己的性格與這杯酒非常相似,她笑說︰「天使的顏色係透明、純白、晶瑩剔透,但飲落口係兩回事,因為係用冬蔭公vodka溝出嚟,所以睇落好清原來好辣。我外表睇落好似好乖,跟Cheronna對比,佢就比較活潑頑皮,其實我嘅性格都唔惹少。」而代表「魔鬼」的Cheronna笑謂︰「酒睇落好濁,好似好難入口,但飲落去係略帶甜味。我表面(膚色)同呢杯酒顏色差唔多,但我一定唔係甜,我覺得我比『天使』呢杯酒更辣,所以我覺得我係表裡係一一嘅。」

Jennifer和Cheronna在調酒過程中笑料百出!
Jennifer和Cheronna在調酒過程中笑料百出!
新歌禮物細細樽,二人指抗疫期間大家可以邊飲「天使與魔鬼」,邊放鬆地聽她們的歌。
新歌禮物細細樽,二人指抗疫期間大家可以邊飲「天使與魔鬼」,邊放鬆地聽她們的歌。

二人坦言調製這兩杯別有意思,Jennifer表示︰「其實係配合番首歌形象,平時形象好似天使咁就係一個好人?或者佢真係過得好開心呢?相反平時形象好似魔鬼,行為好自我,畀人感覺好壞,佢係咪真係一個壞人呢?就代表佢生活唔好呢?所以每一個選擇都係睇你自己,同埋唔可以單憑外表就去評價別人。」

Jennifer(左)和Cheronna早前首次合作新歌《天地分裂》。
Jennifer(左)和Cheronna早前首次合作新歌《天地分裂》。

最新回應

關鍵字

相關新聞

熱門文章