顧及自身及家人安全 宋熙年取消影大肚寫真及Baby Shower
2020-07-23 12:00 
宋熙年（Sarah）跟陳智燊(Jason) 結婚4年，育有一子Damon，今年3月底宣布懷上第二胎，喺新冠肺炎肆虐下，孕媽要更加小心，昨日她分享兩年前首次懷孕時的大肚寫真，宣佈為了自身及家人安全，取消拍攝大肚寫真及放棄舉行Baby Shower（產前派對）。
她用英文留言︰「最初，本計劃今個月舉行Shower（產前派對）同埋影大肚寫真，但所有計劃統統取消！眾所周知，過去幾週，香港嘅Covid-19案件數量激增，保護自己和親人係明確決定，冇嘢比我哋健康幸福更重要，冇健康，就冇法享受生活中美好嘅事物。遠離社群係唯一方法，我哋每個人確實需要盡自己一份力量。睇到家庭成員被分隔喺唔同嘅醫院病房和隔離營，真令人傷心！人哋話，呢個病毒最終將會好似感冒咁普遍，係嘅......但𠵱家未係，除非有疫苗！作為父母，我總覺得為咗保護家人健康安全，係需要付出同犧牲嘅。」
關鍵字
最新回應