星島日報

【急報喜】做完施匡翹訪問驚中招 無綫主持許文軒報告呈陰性

2020-07-19 19:19
雖然許文軒冇中招,但呢段日子都要留守喺屋企進行家居隔離。
雖然許文軒冇中招,但呢段日子都要留守喺屋企進行家居隔離。

本港新冠肺炎疫情再度大爆發,疫情更席捲娛樂圈,24歲新晉歌手施匡翹不幸中招,TVB主持許文軒(Edmond)最近曾接觸過患者,曾為Enews採訪《勁歌金曲》嘉賓施匡翹,又同她的宣傳人員阿佳傾過偈,因此,昨天他馬上去做核酸檢測,出咗報告呈陰性。Edmond收到檢查結果後,急不及待喺IG報喜說:「平安便是福,大家要學懂感恩!

喺呢度同大家報個平安,喺報道出街後,我已立即去醫院做了核酸檢測,結果呈陰性。謝謝大家嘅關心、慰問和祝福,令到大家擔心實在萬分抱歉,我會繼續保持警惕,留意自己嘅身體狀況,乖乖留喺屋企唔會周圍走。為咗身邊愛你嘅人,希望大家時刻都保持個人衛生,戴口罩,勤洗手,減少社交接觸,千祈唔可以鬆懈。祝各位身體健康!確診者早日康復!」

雖然許文軒冇中招,但呢段日子都要留守喺屋企進行家居隔離。
雖然許文軒冇中招,但呢段日子都要留守喺屋企進行家居隔離。

最新回應

關鍵字

相關新聞

熱門文章