與何雁詩保持距離 鄭俊弘勸喻未婚妻留家做直播較安全

2020-07-19 18:42
鄭俊弘對何雁詩健康狀況有信心。
鄭俊弘對何雁詩健康狀況有信心。

何雁詩新歌宣傳人員阿佳昨日確診新冠肺炎,鄭俊弘(Fred)昨天喺TVB做嘢時聽到同事提及,即擔心地致通知,何雁詩反過嚟叫他唔使太緊張,因為最近1次見阿佳係10日前,不過,何雁詩尋晚都即時去咗醫院領取深喉唾液樣本樽,今早吐口水去驗,之後還會再去另一診所做多一次檢測,預計今晚便會有檢測結果。他對未婚妻有信心,相信她應該無事。而Fred喺幾日前同樣做咗檢測,得出結果係陰性。

Fred表示,目前與何雁詩喺家中各自戴上口罩及保持距離,就算有結果後也會繼續隔離。至於可有影響到工作?Fred稱,原定無線有兩個show要錄影,為咗安全冇出席,而下周二嘅《流行經典50年》也停廠:「暫停都係應該嘅,今日有過百宗確診個案,大家要謹慎啲好。」Fred坦言,好多嘢不似預期,包括疫情下宣傳新歌要承擔嘅風險,所以𠵱家都係留喺屋企做直播較好,疫情下都唔建議何雁詩外出做訪問同埋做宣傳,而他都係留喺屋企跳繩,保持做運動。

鄭俊弘對何雁詩健康狀況有信心。
鄭俊弘對何雁詩健康狀況有信心。

關鍵字

最新回應

關鍵字

相關新聞

熱門文章