【世界末日】「姜糖」瘋留喊喊Emoji 姜濤飛台灣拍劇4個半月

今日下晝，MIRROR嘅姜濤及邱士縉（Stanley）出發去台灣拍偶像劇，據之前姜B受訪所講，佢喺當地要留4個半月，仲話聽有拍劇經驗嘅隊友告知，捱更抵夜嘅拍劇生活會令人以食減壓，簡單嚟講，即係拍劇容易致肥，曾經係二百幾磅肥仔嘅姜濤當然好驚。

講咗好耐，姜B終於要起行，佢同Stanley戴晒口罩同眼鏡上機，抗疫裝備只屬一般，兩人臨飛前「舉V」合照，心情睇嚟好興奮，睇吓鐘兩人都應該到咗埗。望吓姜B個ig，發現有近千姜粉留言，有大部份都話唔捨得兼膽拖喊喊Emoji，亦有好多叫佢食多啲嘢，會等佢返嚟，唔知以為姜B要去做咩危險嘅事，拍劇啫。