【世界末日】「姜糖」疯留喊喊Emoji 姜涛飞台湾拍剧4个半月

今日下昼，MIRROR嘅姜涛及邱士缙（Stanley）出发去台湾拍偶像剧，据之前姜B受访所讲，佢喺当地要留4个半月，仲话听有拍剧经验嘅队友告知，捱更抵夜嘅拍剧生活会令人以食减压，简单嚟讲，即系拍剧容易致肥，曾经系二百几磅肥仔嘅姜涛当然好惊。

讲咗好耐，姜B终于要起行，佢同Stanley戴晒口罩同眼镜上机，抗疫装备只属一般，两人临飞前「举V」合照，心情睇嚟好兴奋，睇吓钟两人都应该到咗埗。望吓姜B个ig，发现有近千姜粉留言，有大部份都话唔舍得兼胆拖喊喊Emoji，亦有好多叫佢食多啲嘢，会等佢返嚟，唔知以为姜B要去做咩危险嘅事，拍剧啫。