疫情趨嚴重下月生得　佗B雨僑決定正式閉關

呢幾日疫情愈趨嚴重，身為孕婦梗係特別緊張，預產期係下個月嘅雨僑，之前一度食錯嘢搞到喉嚨痛、肚瀉兼發燒，差啲以為患上新冠肺炎要隔離而嚇餐死，睇見𠵱家情況當然唔會鬆懈，仲喺社交平台宣佈開始閉關，佢話：「想不到懷孕的初期和尾聲，都是半自願的真閉關，連朋友家人也不敢見，大概還會見到的就是醫生護士們。」佢仲呻自己之前計劃好嘅孕期活動都唔能夠進行，「當年說好要做而沒做到的孕期活動：1.上課學點新技能，最終能堅持的就是教會課程（也算技能吧？）和育兒班；2.多逛公園，沒有，一次都沒有；3.吃梳乎厘Pancake，看到人龍就放棄了。」不過，她最後都乖乖咁話：「不過比起這些，我覺得還是生命、健康要緊」