停業前去健身室最後衝刺 疫情下胡定欣除罩冒險做Gym

受到新冠肺炎疫情反覆影響，今日零時開始健身室再度停業七天。向來熱愛做運動嘅胡定欣，冒住嚴峻疫情，昨晚趕往健身室最後衝刺做Gym，務求喺最Fit狀態下拍攝新劇集《白色強人2》。昨晚定欣放相片上網，只見冇戴口罩，着住運動top，Fit爆騷小纖腰嘅定欣相當落力，留言：「由於疫情關係，聽日開始又要暫停做尖（Gym）啦！今日岀多幾分力先！」唔少網民提醒定欣要保重，要照顧好自己，留家做住運動先啦！