新節目教煮餸搵老公做「白老鼠」　Jessica@SG「疫」境廚藝大躍進

女子組合Super Girls成員蔡明思（Jessica）首次主持烹飪節目《台灣煮家蔡》，她坦言有點壓力和緊張，故事前做足準備功夫，並謂：「因為自己未試過拍節目教煮餸，係會緊張，擔心製作時步驟出錯，所以事前喺屋企煮好多次先，將味道改良，睇吓點樣將碟餸變得更好食。」

去年底成為人妻的Jessica笑言平日拿老公做「白老鼠」，她說：「喺拍攝前，佢一個星期就係不斷食同樣嘅餸，真係煮到自己有信心咁先至會去錄節目。」Jessica又直言因疫情關係多了時間在家中，故經常煮飯給老公食，令其廚藝大躍進，她說：「佢返工咁辛苦，都想佢食餐好，食得健康啲。無論我煮咩餸佢都比好多鼓勵我，就算唔好食都會係咁讚，即使偷懶將所有隔夜餸炒成一碟飯佢都有讚冇彈，呢個成為我嘅煮餸動力。」

此外，Jessica笑言屋企人也對她的廚藝另眼相看，她笑說：「媽咪都估唔到我可以照顧到老公，因為喺佢哋心目中我連自己都照顧唔好，所以都覺得我結婚之後長大咗,好安慰。」