開貼地音樂會　Cheronna@SG盼新一年專注唱歌

女子組合Super Girls成員吳嘉熙（Cheronna）日前於中環開小型音樂會，圈中好友周奕瑋及香港羽毛球代表隊成員葉姵延等均成為座上客，其中好姊妹陳瀅更神秘現身撐場。對於新一年再開小型音樂會，Cheronna表示非常開心，直言：「我真係好想唱歌！可以自己揀歌List、同樂手夾，仲要迫所有人唱歌係一件好開心的事。」

提到今次未有唱自己的作品，整個歌單都是別人的歌，Cheronna解釋：「平時我都係唱自己或Super Girls嘅歌畀大家聽，大家未必知我鍾意咩歌或者唱咩歌，今次係一個好機會同大家分享，同埋今次同觀眾距離好近，中場休息時，沒刻意準備講稿，自己鍾意講咩都得，同大家可以傾偈，我想要一個貼地嘅感覺，而唔係好華麗嘅舞台。」並謂演出後感到不捨，新一年都希望專注唱歌、自己寫多啲歌，有多點作品，迫自己進步。」