【眾籌得2萬】唔夠錢拍真MV焗低成本製作 肥仔@ERROR犧牲色相激凸上陣

2020-06-27 12:30
ERROR早前眾籌拍《我們很帥》真MV,結果籌得2萬,唯有焗住低成本製作。
ERROR早前眾籌拍《我們很帥》真MV,結果籌得2萬,唯有焗住低成本製作。

男子組合MIRROR近日推出新歌《IGNITED》,發佈「Too Hot To Handle Version」MV後,不少粉絲不滿經理人兼MV導演花姐偏心,無論成員的鏡頭及歌詞份量都分配不均。然而,同樣出身自ViuTV選秀節目《全民造星》的另一組合ERROR似乎亦遭公司大細超,成員193(郭嘉駿)前日於社交網撰長文,直言因ERROR給予人「騎呢、岩巉、樣衰、搞笑、無腦」的形象,導致工作受侷限,希望成為Fashion Model/Icon的他苦呻:「我亦都好羨慕Mirror會有唔同嘅時裝品牌搵佢哋好型好chok咁拍廣告,收錢着住時裝品牌嘅衫出event……」

其實4月初ERROR都出了一首歌《我們很帥》,當時於YouTube發佈了「官方正式假MV/歌詞版」MV,影片中四子惡搞扮成經典台劇《流星花園》中的F4,而整個MV均以照片Slideshow形式,再穿插部分影樓Behind the scene的短片製作而成,極之粗糙。該MV推出後,ERROR都在社交網呼籲粉絲買Tee眾籌,讓他們有機會拍個「真MV」,結果事隔兩個多月,日前《我們很帥》真MV終於曝光,喺短短兩日累積近4.7萬Views之餘,仲成功登上YouTube熱門!

ERROR早前眾籌拍《我們很帥》真MV,結果籌得2萬,唯有焗住低成本製作。
ERROR早前眾籌拍《我們很帥》真MV,結果籌得2萬,唯有焗住低成本製作。
四子本身着到白雪雪。
四子本身着到白雪雪。

在「真MV」一開頭,成員保錡(吳保錡)宣佈合共賣出的404蚊一件Tee,最終扣除成本共籌得2萬多元,再減去租場及置景兩項費用,已超支3,500蚊Budget,成員們不單止要「倒貼」,仲要請大班幕後做「義工」幫手拍攝,193說:「所以今日拍MV嘅形式,將會喺工作人員冇糧出嘅怒氣同美感之間拎番個平衡,希望大家細心欣賞。」故以「All white look」示人的四子就在簡陋的白色布景前下跪,任由工作人員用裝滿顏料的水槍、氣球水彈等狂砸,搞到他們由頭到腳全身五顏六色,當中最大犧牲的莫過於肥仔(梁業),事關笠上「冬菇頭」假髮勁Cute的他,僅穿Tube Top加白色三角底褲,媲美電影《西遊記第壹佰零壹回之月光寶盒》中吳孟達的「性感夏威夷女郎」造型;片中,其下體仲被Close up(特寫)影住俾氣球水彈重擊,真係隔住個Mon都覺得又痛又尷尬,其後還被花盆高空擲落頭,當場翻白眼「暈倒」,非常爆笑!

結果遭工作人員用裝滿顏料的水槍、氣球水彈等狂砸,搞到全身五顏六色!
結果遭工作人員用裝滿顏料的水槍、氣球水彈等狂砸,搞到全身五顏六色!
最大犧牲是肥仔,連下體都被氣球水彈重擊,仲要咁樣特寫!
最大犧牲是肥仔,連下體都被氣球水彈重擊,仲要咁樣特寫!

如此用(苦)心製作,自然獲得大批網民讚好!對於該MV衝上YouTube 熱門,阿Dee(何啟華)昨晚於IG留言:「我其實好開心,大家為我哋心痛。咁證明咗《#Error自救TV》嘅成功,令大家睇到另一面嘅我地,亦證明咗我哋唔需要單一地只做嘩眾取寵嘅事而獲得大家嘅認同,因為Error正在銳(蛻)變;你哋點睇個MV亦都反映咗,你哋自身對我哋嘅投射同認知。今次Mike導x《#花姐Error遊》班底,用咗一個好聰明嘅手法,低成本去拍咗個不乏深度嘅MV,行刑、水彈、顏料、大染缸⋯殘酷嗎?其實並不殘酷,現實Error就係咁樣殺出一條血路。我很喜歡這個MV,唯一遺憾係唔夠budget請班比堅尼女郎同我哋拍,配合返《我們很帥》呢個主題。但我相信,苦盡必定甘來,這個時代就是一個,要一起咬緊牙關地過的時代『有你有我』,唔係一個口號,係一個事實,因為有你哋,我哋會繼續掙扎,直到看見那一條雨後的彩虹。」

肥仔(左)哀叫,阿Dee大笑。
肥仔(左)哀叫,阿Dee大笑。
肥仔之後又被花盆擲頭,究竟佢得罪咗邊個?
肥仔之後又被花盆擲頭,究竟佢得罪咗邊個?
保錡都慘,俾顏料射口。
保錡都慘,俾顏料射口。
拎住盆花又「冬菇頭」的肥仔係咪想向《這個殺手不太冷》致敬?
拎住盆花又「冬菇頭」的肥仔係咪想向《這個殺手不太冷》致敬?
193(前右)身後的肥仔猶如漆黑中的螢火蟲,好搶Fo。
193(前右)身後的肥仔猶如漆黑中的螢火蟲,好搶Fo。
阿Dee相信苦盡必定甘來,希望同大家一齊繼續掙扎,直到見到那一條雨後的彩虹。
阿Dee相信苦盡必定甘來,希望同大家一齊繼續掙扎,直到見到那一條雨後的彩虹。
其實肥仔個造型好有吳孟達(右)於電影《西遊記第壹佰零壹回之月光寶盒》中「性感夏威夷女郎Look」Feel。
其實肥仔個造型好有吳孟達(右)於電影《西遊記第壹佰零壹回之月光寶盒》中「性感夏威夷女郎Look」Feel。
關鍵字

最新回應

關鍵字

相關新聞

熱門文章