星島日報

【獨家】教整健康飲品變瘦身KOL 傅穎急買新運動衫褲上鏡用

2020-06-25 19:00
雖然戴晒口罩,但Theresa唔難認。睇嚟佢好鍾意戴呢頂粉紅帽,出街戴,沖嘢飲又戴。
雖然戴晒口罩,但Theresa唔難認。睇嚟佢好鍾意戴呢頂粉紅帽,出街戴,沖嘢飲又戴。

去年由內地回歸香港發展的傅穎(Theresa)話咁快35歲,返港後撞正社會運動同新冠肺炎疫情,所以Theresa都冇乜工開,好彩世上有ig。之前Theresa玩微博玩得好瘋狂,而家玩ig亦玩得好癲,日日都有Post,仲係咁拍片教人整健康瘦身飲品同食品,變瘦身界KOL成日要出鏡,所以日前見佢去買運動褲,無得試,齋摸質地都照入手,睇嚟趕住用。截稿前得知Theresa嘅ig被刪除,原因係含有暴力內容等問題,乜都冇晒,慘嘞。
採訪:梁志明

雖然戴晒口罩,但Theresa唔難認。睇嚟佢好鍾意戴呢頂粉紅帽,出街戴,沖嘢飲又戴。
雖然戴晒口罩,但Theresa唔難認。睇嚟佢好鍾意戴呢頂粉紅帽,出街戴,沖嘢飲又戴。
無得試,Theresa惟有不斷摸條褲啲質地。
無得試,Theresa惟有不斷摸條褲啲質地。

Theresa近年努力減肥瘦身,仲搵健身教練同佢操肌肉,想瘦得嚟又有肌肉,線條靚啲着衫又靚啲,話晒單身,明嘅。加上同吳千語拍緊ViuTV套新劇《熟女強人》,兩人有感情關係,仲會有錫錫鏡頭,唔知有無床戲或性感演出,咁Fit啲出鏡又好睇啲,最重要吳千語細Theresa九年,又係明晒。

冇得試都買
日前下午,着住Oversize Tee同黑色Legging,戴住粉紅色Cap帽及口罩,孭住tote bag嘅Theresa獨自去銅鑼灣希慎睇運動衫,期間都幾多電話,逗留15分鐘,佢乜款式都睇,沉色鮮色一樣啱,佢全程係咁摸啲衫同褲嘅質料睇吓彈性如何,因為冇得試身,摸咗一輪,最後入手一條運動褲,畀完錢就將戰利品放入tote bag,女友人校啱時間到達,兩人就一齊離開。

買完嘢就同朋友一齊離開。
買完嘢就同朋友一齊離開。
Theresa教整健康又飽肚的Smoothie,睇佢幾性感。
Theresa教整健康又飽肚的Smoothie,睇佢幾性感。

有晒材料同份量。
有晒材料同份量。
行樓梯又影。
行樓梯又影。
瘦咗又靚咗, Theresa好有自信所以多咗着低胸衫。
瘦咗又靚咗, Theresa好有自信所以多咗着低胸衫。
Theresa喺fb公告ig戶口被刪。
Theresa喺fb公告ig戶口被刪。
傅穎開返ig,暫時得4個post,280個Followers。
傅穎開返ig,暫時得4個post,280個Followers。

最新回應

關鍵字

相關新聞

熱門文章