星島日報

【港姐面試】謝易夥梁朝偉拍荷李活大片 24歲許舒喬面大似「Bob嫂」

2020-06-25 03:52
「勇氣組」的許舒喬(左)被網民指與「阿Bob老婆」撞樣。
「勇氣組」的許舒喬(左)被網民指與「阿Bob老婆」撞樣。

《2020香港小姐競選》首50位侯選佳麗昨晚進行網上面試,大會按照了參賽者的特質作分組面試,在介紹以下一組出場時,主持陸浩明(6號)形容:「參選港姐要鼓起非常大嘅勇氣,因為你要面對群眾、喺台上着泳衣、俾人問好刁鑽及刁難問題,你要有足夠嘅勇氣及勇敢先可以踏上選美路途,咁自信又可以俾全港觀眾點評的話都一定有番咁上下靚同自信。」結果他口中所指的「勇氣組」,原來是外界認定的「陪跑組」,首先有來自美國德州、現年24歲的許舒喬,畢業後她從事IT行業,亦曾兼職做Model,不過面腫腫、鼻大大的她,卻被網民指與「阿Bob老婆」撞樣,更被取笑廣東話有「譚仔阿姐」鄉音。問到平時Model工作做乜?許舒喬說:「通常會做一啲拍攝工作,都有拍過一、兩個廣告。(幫人拍定拍自己?)幫人哋拍。」

「勇氣組」的許舒喬(左)被網民指與「阿Bob老婆」撞樣。
「勇氣組」的許舒喬(左)被網民指與「阿Bob老婆」撞樣。
許舒喬
許舒喬

來自悉尼的謝易表示有在梁朝偉主演的荷李活電影《上氣》中擔任臨時演員,留了一頭長到腰間長髮的她,被網民問及是否拍鬼片?謝易尷尬笑道:「有機會做呢個角色我都肯。」至於現年20歲、從內地移居香港的盧海虹(Iris),是一位中學生正準備來年的DSE,她的自我介紹亦爆出唔少金句,好似「我係一個成日笑、好鍾意抱持住一種樂觀態度嘅一個Iris」、「我就係我嘅,我係唔需要被定義」,而Iris的夢想是「俾人睇到」,不過有網民就指她與「蝦頭」楊詩敏相似。

謝易
謝易
盧海虹
盧海虹

最新回應

關鍵字

相關新聞

熱門文章