由頭號憎變一試上癮　雨僑首做孕婦瑜伽想直落book晒啲堂

雨僑噚日接受《頭條》獨家訪問嘅時候，自爆兩個星期前因為發燒、喉嚨痛同肚瀉，疑似患新冠肺炎搞到要入院隔離，好彩只係腸胃炎，但係有過呢個驚險嘅經驗，所以佢𠵱家會更加注重身體健康。佢仲透露近期成日去上堂，原來除咗同老公羅力威一齊學點樣湊BB外，呢日佢公開學埋做孕婦瑜伽，而且一試之後令到原來好憎做運動，頭號憎做瑜伽嘅佢完全改觀𠻹！



雨僑留言話：「我最憎就係做運動㗎喇！不過我會盡量為咗一個目標push自己多少少，亦都係呢個做人態度，我哋先可以strive for excellence㗎嘛！嚟到大直路，我覺得可以做吓我頭號憎嘅瑜伽，呢個係懷孕前已經決定咗嘅，但係跟邊間學，都係一個重要考慮，一路都未有定案，直至最近一個月竟然係自己産檢間診所有堂上，有咩安全得過你個醫生就喺隔離房？上堂過程非常愉快，係我想要嘅十分溫柔而又push咗我limit少少嗰種。稍為困難少少，靚女導師就會幫我指導我，又會比空間我回氣。結論：我直頭想直落book晒咁多堂到40週mark晒佢啲期#你估個個blogger都鍾意做瑜伽#我講吓護膚品成份#消毒用品化學原理嗰啲㗎咋嘛#pregnantyoga」