回歸大自然 郭羨妮將愛貓骨灰埋落泥土種花

郭羨妮（Sonija）一向鍾意動物，屋企有貓又有狗，本月6日，Sonija發現17歲愛貓突然變瘦，又指貓貓多年來冇大病過，只間唔中吐貓毛，「一直以來，你的存在對我們是很理所當然的，我傷心了，猛然驚覺這不是理所當然的。」當時有網民留言問發生咩事?Sonija回覆：「牠不太吃東西，好像看不清楚路。」

人又好貓又好都唔會突然變瘦，可想而知郭羨妮養貓都唔算太細心。4日後，貓貓走了，「我可愛的貓貓，牠的十七歲也代表了我們的十七年，很難過，心裏缺了一塊。」 相隔多日，Sonija領回貓貓的骨灰，佢好感激愛貓多年嚟都愛佢同佢嘅家人。「好高興17年前在SPCA(愛護動物協會)認識你。你鍾意叫醒我同你一齊睇日出。」最後Sonija決定將貓貓骨灰埋落盆栽內嘅泥土，Sonija相信愛貓已在彩虹橋開心咁玩，再見嘞小朋友。