元祖男神唔願復出拍劇 元斌狠推2.6億港元大製作

因為20年前一套韓劇《藍色生死戀》，劇中一眾男女角包括宋承憲、宋慧喬及元斌均紅遍東南亞，前兩者撈足咁多年，又拍劇又拍戲，瓣數好多，但堪稱元祖級男神嘅玄斌就選擇穩居，主力拍廣告，對上一次拍劇已是2002年的日韓合資短劇《Friends》。

韓媒今日傳出，由《陽光先生》團隊所製作的劇集《不死之身》（暫譯）原本搵元斌擔任男主角，該劇耗資400億韓元（約2.6億港元），但經過考慮後，元斌已婉拒演出，消息震驚演藝圈。

據知元斌稱讚劇本非常出色，但以電視劇復出讓他壓力倍增，所以就推了。有媒體替元斌做過統計，指近十年他接拍超過40個廣告，其中有不少代言合約長達十年，一個廣告代言就有8億韓元(約510萬港元)酬勞，輕鬆賺錢咁多年，明嘅。