星島日報

元祖男神唔願復出拍劇 元斌狠推2.6億港元大製作

2020-06-23 20:31
42歲嘅元斌仲係好靚仔。
42歲嘅元斌仲係好靚仔。

因為20年前一套韓劇《藍色生死戀》,劇中一眾男女角包括宋承憲、宋慧喬及元斌均紅遍東南亞,前兩者撈足咁多年,又拍劇又拍戲,瓣數好多,但堪稱元祖級男神嘅玄斌就選擇穩居,主力拍廣告,對上一次拍劇已是2002年的日韓合資短劇《Friends》。

42歲嘅元斌仲係好靚仔。
42歲嘅元斌仲係好靚仔。
元斌好受廣告商歡迎。
元斌好受廣告商歡迎。


韓媒今日傳出,由《陽光先生》團隊所製作的劇集《不死之身》(暫譯)原本搵元斌擔任男主角,該劇耗資400億韓元(約2.6億港元),但經過考慮後,元斌已婉拒演出,消息震驚演藝圈。

元斌接拍嘅廣告範圍好廣。
元斌接拍嘅廣告範圍好廣。
元斌個樣點睇都唔厭。
元斌個樣點睇都唔厭。

據知元斌稱讚劇本非常出色,但以電視劇復出讓他壓力倍增,所以就推了。有媒體替元斌做過統計,指近十年他接拍超過40個廣告,其中有不少代言合約長達十年,一個廣告代言就有8億韓元(約510萬港元)酬勞,輕鬆賺錢咁多年,明嘅。

元斌及老婆李娜英,兩人育有一子。
元斌及老婆李娜英,兩人育有一子。
元斌自2010年主演電影《殺手代父》後就一直未有接拍新作。
元斌自2010年主演電影《殺手代父》後就一直未有接拍新作。
2000年紅遍東南亞的《藍色生死戀》。
2000年紅遍東南亞的《藍色生死戀》。

最新回應

關鍵字

相關新聞

熱門文章