【維港會】外傭約滿回鄉生BB 少主不捨幫BB改一樣英文名

有女僱主近日在網上發文，表示工人姐姐正在懷孕，所以約滿便會離開回鄉分娩。女僱主於是向自己的女兒講：「姐姐以後要返菲律賓生BB，要湊佢自己個BB，不能永遠湊你。」囡囡竟然問：「姐姐生的BB可唔可以叫Paris啊？」而女兒的英文名正正就是叫Paris。

女僱主聽到她這句話後，非常感動，更直言「聽到我想喊，感恩阿女一出世就有個好工人湊」，同時亦可見囡囡與工人姐姐的感情非常好。

她補充指，工人姐姐已經在家中服務5年，囡囡今年剛好5歲，換言之即是幾乎由少主出世便一直照顧至今。工人姐姐將會再工作多1年便離職回鄉，據女僱主透露，外傭時不時都會「同阿囡傾啲類似佢總有日會返菲律賓嗰啲話」，好讓小朋友有定心理準備。

不少網民看過帖文後，紛紛留言都替她找到好工人而覺得開心，「好幸福，妳女都上咗好好嘅一課」、「中了六合彩」、「恭喜你！希望你能繼續好運」。亦有人著她要繼續跟工人保持聯絡，因為很多時她們生完BB之後，或者都會有機會去香港工作，「同姐姐keep in touch！我個姐姐做4年後，要返去結婚生仔，但2年後又返來幫我」。