奶音融化網民心　林盛斌晒細仔萌爆便便片

家中有三女一子的Bob（林盛斌）經常於社交網分享湊仔樂事，自從大前年孻仔林道申（Jaye）出世後，錫到個「金叵羅」的他更頻頻晒Jaye的搞笑私生活，繼早前公開囝囝肉技緊獻唱印尼歌《Tiada Lagi》後，昨日他又貼出對方的「便便片」！片中，坐在馬桶上的Jaye雙眼水汪汪，一臉「無辜」地用奶音向鏡頭讚自己：「我好叻仔呀，我屙Poo-Poo（指大便）喺廁所度。」一眾網民睇見都大讚萌爆兼叻仔，連Bob都忍唔住留言：「細佬仔，你使唔使咁可愛呀？」