亞視副總裁宣傳無綫劇 黃翠如多謝林文龍幫拖

林文龍身為亞視副總裁，他以男主角身份出席下周開播的無綫劇集《那些我愛過的人》宣傳活動，還字字珠璣主導整個記者會，結尾更跟無綫電視副總經理杜之克來個世紀擊拳。他又率先打開亞視大門，表明歡迎跟不同娛樂平台合作。

劇中林文龍跟黃翠如有感情線，司儀區永權問到二人合作點滴？林文龍說：「我喺翠如身上學到好多嘢！」翠如不甘示弱，笑說：「多謝你喺友台過嚟幫手宣傳。」林文龍：「咩友台呀？Cable（有線電視）呀？係喎，你（區永權）都係Cable㗎喎！」瞬間空氣凝結。翠如打圓場分享跟對方拍攝點滴，當然少不了笠高帽。林文龍即說：「Cable出嚟係唔同啲，推晒畀我賭一鋪，如果好，咪贏囉！」

隨後，所有演員齊集台上玩問答遊戲，區永權說出問題由林文龍揀一位演員回答。林文龍事先聲明最近有留意娛樂新聞，結果連詩雅最新緋聞男友陳家樂都受到牽連。林文龍氣勢震懾一眾後輩演員，直到他問到馮素波（波姐）有沒有珍惜的人？波姐說：「你話你唔係TVB人，又唔係呢度嘅演員，我最珍惜你啊！」即時引來全場掌聲，果然薑愈老愈辣。

林文龍坦言現居亞視要職，相信暫時《那》會是最後一套作品。他說：「杜生都有同我傾，話使唔使擺喺你哋嗰邊上。我無所謂，大家唔係直接競爭對手。（但杜生已經一支箭走咗！）佢日理萬機，好多嘢做嘛！」他強調亞視持開放態度，娛樂圈應該要百花齊放。