【維港會】公益金善款大減 長跑達人 「水哥」不忘弱勢即捐款

疫情及社會事件影響慈善機構籌款，公益金的捐款額也大減兩成四。公益金執行委員會副主席陳子政日前接受《星島日報》訪問，透露獲善長甘錫洪捐逾5成遺產，約4.6億元予公益金，為歷來最大個人捐款，令公益金可繼續協助不同社福機構營運。

馬拉松長跑KOL、人稱「水哥」嘅恒生銀行前高層張樹槐（Walter），去年退休後成立「達人傳訊有限公司」，佢係社交平台透露，剛收到大客嘅payment，不忘社會上嘅弱勢社群，決定將部分收入捐予公益金及時抗疫基金，又呼籲大家一起支持捐款。水哥仲謙稱，相比甘先生嘅善心和大愛，佢嘅捐款只是小小心意咁話。