星島日報

【頭條獨家】男客意淫留言撩供另類服務 黃榕拒受高價私人教健身

2020-05-22 22:00
意淫留言
𡃁仔客私訊fit爆黃榕,希望加錢要求她上門私教,甚至留下露骨留言。
意淫留言 𡃁仔客私訊fit爆黃榕,希望加錢要求她上門私教,甚至留下露骨留言。

喺新冠肺炎疫情下,禁止8人以上聚集嘅「禁聚令」再延長至6月4日,靠開班教操蜜桃臀及腹肌嘅黃榕,手停口停咗幾個月,就算健身室重開,每堂學員唔可以超過7人,收入大縮水!雖然要節衣縮食,但39歲的黃榕強調唔會行歪路賺錢,她谷氣表示曾有男人私訊她,除向她大講超意淫說話外,還希望付高薪請她上門私人教授健身,黃榕決絕Say No:「除咗驚,我都唔係賺呢種錢嗰啲人囉!」採訪:方騫平 攝影:李維隆

意淫留言
𡃁仔客私訊fit爆黃榕,希望加錢要求她上門私教,甚至留下露骨留言。
意淫留言 𡃁仔客私訊fit爆黃榕,希望加錢要求她上門私教,甚至留下露骨留言。
條坑好深
唔經唔覺黃榕已經39歲,因為佢勤做運動,外觀絕對呃得人。
條坑好深 唔經唔覺黃榕已經39歲,因為佢勤做運動,外觀絕對呃得人。

黃榕日前穿上螢光黃色運動Top加緊身運動長褲去觀塘海濱公園做戶外瑜伽,期間做出多個肢體平衡、彎身及伸展動作,就算邁向40歲,擘髀做大字馬、一字馬及單腿撐直等全部冇難度。因為日日做運動,黃榕三圍Keep住32C、23、33,「做戶外運動最好,唔使錢,有時會帶埋貴婦狗落公園,當佢係啞鈴咁舉,佢都有成5.6 kg,好有肉地。」因為長時間操練,黃榕有晒馬甲線、人魚線、六嚿腹肌同蜜桃臀,原先今年4月會再挑戰香港健美小姐大賽圓冠軍夢,但已延至10月。

唔做不德道交易
因為之前所有內地登台及健身班全部取消,黃榕損失最少6位數字收入,即使𠵱家主持面包台嘅節目《榕走脂肪》,仲陸續教返班,但每班學員人數受限制,收入少咗大半,「我只得私人健身教練牌,申請唔到政府嘅抗疫基金,唯有食同住都黐屋企人,期望政府盡快派發一萬蚊,對我嚟講都可以使好耐,除咗車費平日都冇乜支出,連飯都喺屋企食。」提到會否考慮轉做上門私人教授,黃榕就耍手擰頭話驚驚:「有個外籍男及23歲嘅𡃁仔私訊提出過,原先我每堂收開1500蚊,佢哋願意畀多雙倍錢及車資,但有附帶條件,外籍男本身喺我公司上堂,但佢想我着高踭鞋同埋低胸啲,上門教佢,又好想上完堂幫佢按摩,至於個𡃁仔就有露骨留言,我完全冇一刻心動要賺呢啲錢,我都唔係賺呢種錢嗰啲人。」

意淫留言
𡃁仔客私訊黃榕,留言勁核突。
意淫留言 𡃁仔客私訊黃榕,留言勁核突。
難佢唔到
做開運動,呢類高難度動作難唔到黃榕。
難佢唔到 做開運動,呢類高難度動作難唔到黃榕。

唔介意再畀人呃
對於近排娛樂圈湧現大批賤男如羅志祥、馬天樂及黎振燁,拍過無數次拖的黃榕對此零感覺,因為佢以往嘅男朋友全是賤男:「拍拖以嚟未遇過好男仔,個個都係賤男,不論有錢、冇錢、靚仔、唔靚仔全部都花心,貪新忘舊,因為男人本性係花心,見一個愛一個係家常便飯,所以自己睇得好開,唔介意再畀人呃,𠵱家開心最重要,最緊要有大隻靚仔『小鮮肉』陪我做運動,唯一真係接受唔到男朋友瞞住我做多人『運動』囉,好污糟,好嘔心!」黃榕表示以前年幼無知,對拍拖好有幻想,雖然拆穿前有質問過對方(唔想開名講),但佢唔承認,咁我就相信佢,直至爆片爆相,轟動全港我先知道,不過當時經已分咗手,但仍好唔開心,覺得佢好dirty。」

輕鬆做到
叫黃榕做大字馬,佢即刻做到。
輕鬆做到 叫黃榕做大字馬,佢即刻做到。
靚蜜桃臀
經過多年努力,黃榕擁有一個結實蜜桃臀。
靚蜜桃臀 經過多年努力,黃榕擁有一個結實蜜桃臀。
收入大減
疫情下教班只能得7個學員,收入大縮水。
收入大減 疫情下教班只能得7個學員,收入大縮水。
常出寫真
黃榕曾出過多本寫真集,同一眾𡃁模爭飯食。
常出寫真 黃榕曾出過多本寫真集,同一眾𡃁模爭飯食。
駝鳥政策
對於羅志祥前女友周揚青爆小豬私生活荒淫,黃榕話唔驚訝,所以佢一向唔Check男方手機,駝鳥政策心態會好過啲。
駝鳥政策 對於羅志祥前女友周揚青爆小豬私生活荒淫,黃榕話唔驚訝,所以佢一向唔Check男方手機,駝鳥政策心態會好過啲。
box 2001年
同張致恒秘密拍拖半年,但男方突然玩失蹤,目前Steven已成家立室。
box 2001年 同張致恒秘密拍拖半年,但男方突然玩失蹤,目前Steven已成家立室。
box 2008年
跟陳冠希拍拖,更願意為他隨傳隨到。
box 2008年 跟陳冠希拍拖,更願意為他隨傳隨到。
box 2014年
愛上大隻仔魏焌皓,但男方對她「玩完即棄 」。
box 2014年 愛上大隻仔魏焌皓,但男方對她「玩完即棄 」。
有冠軍夢
去年黃榕在港參加健美小姐屈居亞軍,她會再接再厲完冠軍夢。
有冠軍夢 去年黃榕在港參加健美小姐屈居亞軍,她會再接再厲完冠軍夢。

最新回應

關鍵字

相關新聞

熱門文章