星岛日报

【头条独家】男客意淫留言撩供另类服务 黄榕拒受高价私人教健身

2020-05-22 22:00
意淫留言
𡃁仔客私讯fit爆黄榕,希望加钱要求她上门私教,甚至留下露骨留言。
意淫留言 𡃁仔客私讯fit爆黄榕,希望加钱要求她上门私教,甚至留下露骨留言。

喺新冠肺炎疫情下,禁止8人以上聚集嘅「禁聚令」再延长至6月4日,靠开班教操蜜桃臀及腹肌嘅黄榕,手停口停咗几个月,就算健身室重开,每堂学员唔可以超过7人,收入大缩水!虽然要节衣缩食,但39岁的黄榕强调唔会行歪路赚钱,她谷气表示曾有男人私讯她,除向她大讲超意淫说话外,还希望付高薪请她上门私人教授健身,黄榕决绝Say No:「除咗惊,我都唔系赚呢种钱嗰啲人罗!」采访:方骞平 摄影:李维隆

意淫留言
𡃁仔客私讯fit爆黄榕,希望加钱要求她上门私教,甚至留下露骨留言。
意淫留言 𡃁仔客私讯fit爆黄榕,希望加钱要求她上门私教,甚至留下露骨留言。
条坑好深
唔经唔觉黄榕已经39岁,因为佢勤做运动,外观绝对呃得人。
条坑好深 唔经唔觉黄榕已经39岁,因为佢勤做运动,外观绝对呃得人。

黄榕日前穿上萤光黄色运动Top加紧身运动长裤去观塘海滨公园做户外瑜伽,期间做出多个肢体平衡、弯身及伸展动作,就算迈向40岁,擘髀做大字马、一字马及单腿撑直等全部冇难度。因为日日做运动,黄榕三围Keep住32C、23、33,「做户外运动最好,唔使钱,有时会带埋贵妇狗落公园,当佢系哑铃咁举,佢都有成5.6 kg,好有肉地。」因为长时间操练,黄榕有晒马甲线、人鱼线、六嚿腹肌同蜜桃臀,原先今年4月会再挑战香港健美小姐大赛圆冠军梦,但已延至10月。

唔做不德道交易
因为之前所有内地登台及健身班全部取消,黄榕损失最少6位数字收入,即使𠵱家主持面包台嘅节目《榕走脂肪》,仲陆续教返班,但每班学员人数受限制,收入少咗大半,「我只得私人健身教练牌,申请唔到政府嘅抗疫基金,唯有食同住都黐屋企人,期望政府尽快派发一万蚊,对我嚟讲都可以使好耐,除咗车费平日都冇乜支出,连饭都喺屋企食。」提到会否考虑转做上门私人教授,黄榕就耍手拧头话惊惊:「有个外籍男及23岁嘅𡃁仔私讯提出过,原先我每堂收开1500蚊,佢哋愿意畀多双倍钱及车资,但有附带条件,外籍男本身喺我公司上堂,但佢想我着高踭鞋同埋低胸啲,上门教佢,又好想上完堂帮佢按摩,至于个𡃁仔就有露骨留言,我完全冇一刻心动要赚呢啲钱,我都唔系赚呢种钱嗰啲人。」

意淫留言
𡃁仔客私讯黄榕,留言劲核突。
意淫留言 𡃁仔客私讯黄榕,留言劲核突。
难佢唔到
做开运动,呢类高难度动作难唔到黄榕。
难佢唔到 做开运动,呢类高难度动作难唔到黄榕。

唔介意再畀人呃
对于近排娱乐圈涌现大批贱男如罗志祥、马天乐及黎振烨,拍过无数次拖的黄榕对此零感觉,因为佢以往嘅男朋友全是贱男:「拍拖以嚟未遇过好男仔,个个都系贱男,不论有钱、冇钱、靓仔、唔靓仔全部都花心,贪新忘旧,因为男人本性系花心,见一个爱一个系家常便饭,所以自己睇得好开,唔介意再畀人呃,𠵱家开心最重要,最紧要有大只靓仔『小鲜肉』陪我做运动,唯一真系接受唔到男朋友瞒住我做多人『运动』罗,好污糟,好呕心!」黄榕表示以前年幼无知,对拍拖好有幻想,虽然拆穿前有质问过对方(唔想开名讲),但佢唔承认,咁我就相信佢,直至爆片爆相,轰动全港我先知道,不过当时经已分咗手,但仍好唔开心,觉得佢好dirty。」

轻松做到
叫黄榕做大字马,佢即刻做到。
轻松做到 叫黄榕做大字马,佢即刻做到。
靓蜜桃臀
经过多年努力,黄榕拥有一个结实蜜桃臀。
靓蜜桃臀 经过多年努力,黄榕拥有一个结实蜜桃臀。
收入大减
疫情下教班只能得7个学员,收入大缩水。
收入大减 疫情下教班只能得7个学员,收入大缩水。
常出写真
黄榕曾出过多本写真集,同一众𡃁模争饭食。
常出写真 黄榕曾出过多本写真集,同一众𡃁模争饭食。
驼鸟政策
对于罗志祥前女友周扬青爆小猪私生活荒淫,黄榕话唔惊讶,所以佢一向唔Check男方手机,驼鸟政策心态会好过啲。
驼鸟政策 对于罗志祥前女友周扬青爆小猪私生活荒淫,黄榕话唔惊讶,所以佢一向唔Check男方手机,驼鸟政策心态会好过啲。
box 2001年
同张致恒秘密拍拖半年,但男方突然玩失踪,目前Steven已成家立室。
box 2001年 同张致恒秘密拍拖半年,但男方突然玩失踪,目前Steven已成家立室。
box 2008年
跟陈冠希拍拖,更愿意为他随传随到。
box 2008年 跟陈冠希拍拖,更愿意为他随传随到。
box 2014年
爱上大只仔魏焌皓,但男方对她「玩完即弃 」。
box 2014年 爱上大只仔魏焌皓,但男方对她「玩完即弃 」。
有冠军梦
去年黄榕在港参加健美小姐屈居亚军,她会再接再厉完冠军梦。
有冠军梦 去年黄榕在港参加健美小姐屈居亚军,她会再接再厉完冠军梦。

最新回应

關鍵字

相關新聞

热门文章