星島日報

做埋新手貓奴 單身江美儀寄情寵物大滿足

2020-05-19 11:30
Tasha成為江美儀新寵。
Tasha成為江美儀新寵。

向來係「狗奴」的江美儀喺三周前做埋「新手貓奴」,最近經常喺IG大晒兩個月大貓女Tasha嘅可愛靚相,白底淡灰色毛嘅Tasha精靈活潑,可愛到不得了,加上呢隻「孻女」比家中小狗哥哥及姐姐聰明得多,好快成為新寵兒,冧到爆嘅美儀說:「哎呀,佢攞我命呀,又靚又聰明!」

 

今次養貓純粹係緣份:「我從來都唔鍾意貓,直至有次行山,喺士多度見到Tasha嘅孕媽,佢媽媽都好靚,咁我就鍾意咗貓,知道佢生咗10幾隻BB後,就特地去揀咗隻同媽媽一模一樣嘅餅印BB收養,隻貓BB就係Tasha,佢得意同靚到呢!𠵱家我後悔揀得一隻咁少,至於將來會唔會再養多隻貓就隨緣啦!養貓前我搵咗傳心師同我家嘅Tina、Teddy及同住妹妹養嘅Jack、Simon傾晒偈,溝通咗先,暫時4狗都接受呢個家庭新成員,Tina仲會守護喺Tasha籠門口,我諗佢哋識得交流。」

 

充滿愛心嘅美儀寄情動物,單身得相當Happy,講起貓狗經就停唔到口:「貓好聰明,暫時覺得比較獨立,因為要等佢適應環境,暫時先困籠隔離,但佢只得六個星期大嘅時候,就識得開籠門出去玩,問佢嘢仲識答我添!𠵱家只好喺籠門度加鎖。」

Tasha成為江美儀新寵。
Tasha成為江美儀新寵。
古惑Tasha露笑樣。
古惑Tasha露笑樣。

有時個樣又會嗲到暈。
有時個樣又會嗲到暈。
美儀會帶埋唐狗Simon出外散步。
美儀會帶埋唐狗Simon出外散步。

美儀經常行山鍛鍊體格。
美儀經常行山鍛鍊體格。
家中四狗(右起)Jack、Tina、Teddy、Simon,好熱鬧呀。
家中四狗(右起)Jack、Tina、Teddy、Simon,好熱鬧呀。
媽咪同Tasha係餅印母女。
媽咪同Tasha係餅印母女。
呢個粉紅色城堡係Tasha遊樂場所,但都要上鎖,以防偷走。
呢個粉紅色城堡係Tasha遊樂場所,但都要上鎖,以防偷走。
第一次見Tasha,當時牠只得個幾月大。
第一次見Tasha,當時牠只得個幾月大。
第一次沖完涼相。
第一次沖完涼相。
美儀經常跟發哥行山。
美儀經常跟發哥行山。

最新回應

關鍵字

相關新聞

熱門文章