【胸懷大痣】粉絲嗌不捨囝囝引退　Coffee晒母子泳照助戒毒

30歲索人妻林芊妤（Coffee）雖然已經做了媽咪，但勤力做瑜珈、跑步的她仍Keep住一副好身材，仲毫不吝嗇頻頻於社交網開心Share性感照，昨日Coffee又分享三點式Fit爆泳照，引來不少絲打大嗌羨慕，同時亦有人問1歲多的「翟伯伯（指兒子翟德彥）」去咗邊？Coffee晚上即貼出一家三口溫馨照，並留言：「今日個個都問我BB去咗邊，其實佢一直都在，唔駛擔心 #你哋使唔使咁痴纏」

由於日前Coffee宣佈囝囝於數月後將「光榮引退」，仲扮翟伯伯搞笑寫道：「唔使再活在女魔頭嘅鏡頭下，可以隨心所欲咁出糧飲奶奶 #大佬心很累 #係釋放嘅氣味呀 #條眉都攰啦 #癲奶畀定心理準備大家」，故大家紛紛留言大嘆不捨：「噚日知道伯伯唔再出現，喊咗一日（唔係講笑）」、「噚日你話大佬就嚟要退休，我成日都唔開心！好想喊！好似失戀咁！」、「因為我哋真係睇少佢一日都唔得」、「我求啊你，唔好畀伯伯退休啊！佢有咁多粉絲，退咗休我哋會好sad」等，Coffee就回覆安撫大家：「乖錫番，我會慢慢幫你哋戒毒」、「仲有幾個月嘅，放心放心」。不過，此Po下都有好多網民聚焦在Coffee右「峰」上的大痣，不少口痕友更留言：「個波粒𤼎好正」、「胸懷大痣原来係真㗎」、「胸的痣是富貴痣呀」，Coffee都大方回覆：「心中富貴最重要。」