【胸怀大痣】粉丝嗌不舍囝囝引退　Coffee晒母子泳照助戒毒

30岁索人妻林芊妤（Coffee）虽然已经做了妈咪，但勤力做瑜珈、跑步的她仍Keep住一副好身材，仲毫不吝啬频频于社交网开心Share性感照，昨日Coffee又分享三点式Fit爆泳照，引来不少丝打大嗌羡慕，同时亦有人问1岁多的「翟伯伯（指儿子翟德彦）」去咗边？Coffee晚上即贴出一家三口温馨照，并留言：「今日个个都问我BB去咗边，其实佢一直都在，唔驶担心 #你哋使唔使咁痴缠」

由于日前Coffee宣布囝囝于数月后将「光荣引退」，仲扮翟伯伯搞笑写道：「唔使再活在女魔头嘅镜头下，可以随心所欲咁出粮饮奶奶 #大佬心很累 #系释放嘅气味呀 #条眉都攰啦 #癫奶畀定心理准备大家」，故大家纷纷留言大叹不舍：「噚日知道伯伯唔再出现，喊咗一日（唔系讲笑）」、「噚日你话大佬就嚟要退休，我成日都唔开心！好想喊！好似失恋咁！」、「因为我哋真系睇少佢一日都唔得」、「我求啊你，唔好畀伯伯退休啊！佢有咁多粉丝，退咗休我哋会好sad」等，Coffee就回覆安抚大家：「乖锡番，我会慢慢帮你哋戒毒」、「仲有几个月嘅，放心放心」。不过，此Po下都有好多网民聚焦在Coffee右「峰」上的大痣，不少口痕友更留言：「个波粒𤼎好正」、「胸怀大痣原来系真㗎」、「胸的痣是富贵痣呀」，Coffee都大方回覆：「心中富贵最重要。」