【頭條獨家】誇張防疫 郭藹明戴口罩戴到上眼 劉青雲怕老婆仆親攬到實

2020-05-17 21:23
日前下午,家住西貢的劉青雲同老婆郭藹明去西貢市中心買嘢食及寄信。
日前下午,家住西貢的劉青雲同老婆郭藹明去西貢市中心買嘢食及寄信。

因為「限聚令」,影視外景拍攝一律受影響,不少製作都被迫暫時停工。有傳古天樂、郭富城及劉青雲合拍的新片《掃毒3》亦要於疫情完結後先可以開工。日前下午,家住西貢的劉青雲同老婆郭藹明(Amy)去西貢市中心買嘢食及寄信,雖然早前連續廿多日錄得本土「零確診」,但近日再有感染個案,劉氏夫婦都聽專家話唔敢鬆懈,去屋企附近買嘢都做足防疫,戴口罩之餘,劉太仲戴埋眼鏡同醫療手套,望真啲,劉太將個口罩戴到上鼻樑最高位置幾乎掂住隻眼,會唔會影響行路㗎?唔緊要,有老公攬住行,唔怕。採訪:張詠森

日前下午,家住西貢的劉青雲同老婆郭藹明去西貢市中心買嘢食及寄信。
日前下午,家住西貢的劉青雲同老婆郭藹明去西貢市中心買嘢食及寄信。
雖然只係去屋企附近買嘢,但劉氏夫婦做足防疫措施,劉太仲將個口罩戴到上眼,為怕老婆行路「唔帶眼」,青雲搭住老婆膊頭過馬路。
雖然只係去屋企附近買嘢,但劉氏夫婦做足防疫措施,劉太仲將個口罩戴到上眼,為怕老婆行路「唔帶眼」,青雲搭住老婆膊頭過馬路。

影帝劉青雲與郭藹明一向是圈中的模範夫婦,結婚約22年來,二人仍舊像熱戀中的情侶般甜蜜,外表Cool爆的青雲仲不時公開「放閃」,好似2015年奪金像獎影帝時,他就於台上向太太發表「太空船愛的宣言」,冧盡全港雌性動物;私底下,兩公婆也是形影不離,經常被拍得Sweet爆行街。趁住近期未使開工,日前青雲又同老婆去西貢市中心食Lunch、買嘢拍拖拖。

唔敢鬆懈
當日下午兩點幾,一身街坊裝的劉氏夫婦食完Lunch後便走到附近西餅店買甜品,青雲就單手插褲袋,站在門外耐心等老婆。而現場所見,Amy的防疫裝備都頗大陣仗,她不單止戴晒口罩和太陽眼鏡,仲笠埋Cap帽及戴上一次性醫療手套,非常小心,個口罩仲戴到上鼻樑頂尖位,都幾肯定掂到對眼!而青雲就戴口罩,加「阿豬媽」面罩太陽帽,不過,青雲全程都揭起塊面罩,只當太陽帽咁戴。

等太太排隊寄信期間,劉青雲充當「跑腿」去買炸魚同炸雞。
等太太排隊寄信期間,劉青雲充當「跑腿」去買炸魚同炸雞。
郭藹明走進西餅舖買甜品,劉青雲就喺門外等候。
郭藹明走進西餅舖買甜品,劉青雲就喺門外等候。

跑腿老公
隨後,他們返回坐駕放低購物袋,Amy又從車上攞了一份A4 Size的信件,再步行至郵局,其間青雲都好Man地搭實太太膊頭過馬路。陪對方排了一陣隊,青雲又充當「跑腿」去買外賣,見佢買Fish and Chips及炸雞,接過食物後,仲急不及待打開個袋裝一裝,相當為食。之後見有時間,青雲又去藥房搵嘢,再上返七人車會合老婆便返歸。

雖然劉青雲笠住頂「面罩帽」,但佢全程揭開戴,所以一眼就認到係佢。
雖然劉青雲笠住頂「面罩帽」,但佢全程揭開戴,所以一眼就認到係佢。
兩公婆落西貢市中心購物,粗重嘢梗係由劉青雲拎啦。
兩公婆落西貢市中心購物,粗重嘢梗係由劉青雲拎啦。
劉青雲陪老婆去郵局排隊寄信。
劉青雲陪老婆去郵局排隊寄信。
劉青雲拎住手機走入藥房向店員查問,唔知想買乜呢?
劉青雲拎住手機走入藥房向店員查問,唔知想買乜呢?
最後青雲接埋老婆上車返歸。
最後青雲接埋老婆上車返歸。
有傳劉青雲跟古天樂(中)及郭富城於疫情後為新片《掃毒3》開工。
有傳劉青雲跟古天樂(中)及郭富城於疫情後為新片《掃毒3》開工。
劉青雲與太太郭藹明不時放閃,前者更曾公開講過:「太太係我人生最好嘅禮物。」
劉青雲與太太郭藹明不時放閃,前者更曾公開講過:「太太係我人生最好嘅禮物。」
劉青雲屢向太太公開發表愛的宣言,最經典一次莫過於2015年,在金像獎頒獎禮獲封影帝時,他在台上說:「每次當我揸住太空船,飛到宇宙唔知邊度,你(郭藹明)總有辦法令我安全返回地球。」
劉青雲屢向太太公開發表愛的宣言,最經典一次莫過於2015年,在金像獎頒獎禮獲封影帝時,他在台上說:「每次當我揸住太空船,飛到宇宙唔知邊度,你(郭藹明)總有辦法令我安全返回地球。」
關鍵字

最新回應

關鍵字

熱門文章