【脷仔好誘人】懶理新劇收視急跌 李敏鎬甜笑食雪糕

李敏鎬同金高恩主演嘅韓國SBS電視台新劇《The King：永遠的君主》，雖然兩粒大星合作，但自上月中首播以嚟收視不斷下滑，前晚播出嘅第9集，更跌至5.8%及6.3%，創開播以來新低。

對於收視唔掂，有觀眾就歸咎劇中嘅平行時空混亂而且欠缺共鳴。識笑幾好笑，睇劇吓吓要有共鳴咁古裝劇點算?不過SBS都好好，今日會播出特輯，詳細介紹「民國」同「帝國」嘅平行時空，等觀眾更易理解。

對於收視急跌，男主角李敏鎬都無咩可以做，同工作人員做完嘢就一齊食軟雪糕，佢仲拍埋片放上ig，見佢笑住慢慢啜同咬個軟雪糕，條脷仔相當誘人，見到佢身後啲女工作人員又一齊食又笑咁，除咗羨慕，無補充嘞。