【脷仔好诱人】懒理新剧收视急跌 李敏镐甜笑食雪糕

李敏镐同金高恩主演嘅韩国SBS电视台新剧《The King：永远的君主》，虽然两粒大星合作，但自上月中首播以嚟收视不断下滑，前晚播出嘅第9集，更跌至5.8%及6.3%，创开播以来新低。

对于收视唔掂，有观众就归咎剧中嘅平行时空混乱而且欠缺共鸣。识笑几好笑，睇剧吓吓要有共鸣咁古装剧点算?不过SBS都好好，今日会播出特辑，详细介绍「民国」同「帝国」嘅平行时空，等观众更易理解。

对于收视急跌，男主角李敏镐都无咩可以做，同工作人员做完嘢就一齐食软雪糕，佢仲拍埋片放上ig，见佢笑住慢慢啜同咬个软雪糕，条脷仔相当诱人，见到佢身后啲女工作人员又一齐食又笑咁，除咗羡慕，无补充嘞。