星島日報

變身湊仔公 林盛斌陪子女玩新娘拋花球

2020-05-13 13:00
阿Bob跟四子女在家中房間大玩結婚拋花球遊戲。
阿Bob跟四子女在家中房間大玩結婚拋花球遊戲。

政府日前宣布各個年級於本月27日起分階段復課,不過距離復課仲有一段日子,林盛斌(Bob)嘅3女1子仲可以盡情玩樂,加上喺疫情下阿Bob冇咁忙,不時變身湊仔公,齊齊玩角色扮演,增加親子關係。昨晚阿Bob上載一條同仔女玩結婚拋花球短片,Bob留言:「玩到冇嘢好玩系列...... 個人好欣賞大家姐條婚紗裙,好認真。」片中由11歲大家姐林霏兒(Faye)用被鋪做嫁衣,「新娘子」企喺床上準備拋花球,由阿Bob做返婚禮司儀老本行,兼任埋攝影師,阿Bob投入地用司儀腔口說:「好啦,跟住到新娘子準備拋花球嘅時候喇!啲姊妹經已喺度喇喎!Hello!新娘子準備啦喎,睇吓邊個接到呢個祝賀先!」霏霏興奮和應說:「準備好未?」跟住兩父女數完123後,花束應聲著地,花散落地氈上,結果由二妹熹熹瞓身搶到,細女機機和孻仔唯有執地氈花瓣,十分好笑,不過,四姊弟都興奮到彈彈跳,勁開心。」連阿Bob都忍唔住笑說:「哈哇!恭喜晒!」

 

其實在停課期間,阿Bob四子女都乖乖咁留喺屋企,三個乖女除咗溫習、做功課外,還懂得自娛,大家姐霏霏仲教妹妹打麻將打發時間,又講故事畀細佬妹聽,咁識得照顧弟妹好令父母感動。

阿Bob跟四子女在家中房間大玩結婚拋花球遊戲。
阿Bob跟四子女在家中房間大玩結婚拋花球遊戲。
日前一家人下水禮。
日前一家人下水禮。

霏霏之前教兩個妹妹打麻將自娛。
霏霏之前教兩個妹妹打麻將自娛。
11歲大家姐霏霏又講故事畀細佬妹聽。
11歲大家姐霏霏又講故事畀細佬妹聽。

四姊弟妹好相親相愛。
四姊弟妹好相親相愛。
角色扮演玩埋選美添。
角色扮演玩埋選美添。

最新回應

關鍵字

相關新聞

熱門文章