復工北上拍《倚天》 黃浩然隔離期無所事事

2020-05-13 12:30
北上復工拍電影版《倚天》演青翼蝠王嘅黃浩然要自我隔離,每天量度兩次體溫。
北上復工拍電影版《倚天》演青翼蝠王嘅黃浩然要自我隔離,每天量度兩次體溫。

喺疫情下,娛樂圈唔少台前幕後人員都食白果,等運到,演員有工開真係相當幸運,黃浩然屬幸運一群。隨着內地疫情緩和,王晶開拍嘅新版《倚天屠龍記》劇組亦告復工,片中飾演青翼蝠王的浩然前日北上為入劇組做定準備,不過因為中、港兩地檢疫問題,浩然和文詠珊(JM)一樣必需在酒店隔離14天。不過,呢個時勢有得搵人仔,就算忍受吓隔都好過冇得搵。

 

昨晚浩然喺社交網發文,相中身處酒店,戴住眼鏡,一臉風騷咬住枝探熱針,還留言:「隔離的第二天,每天兩次量度體溫!要搵啲嘢做下,大家有咩好提議?#黃仔的日常#隔離的日常」,鄭秀文、周柏豪都畀手瓜表情符號叫他加油,曹永廉留言:「兄弟!頂住!」有網民叫他開Live,有人叫他煲自己劇、追韓劇、唱歌、打機、做運動、做小手作送畀太太,當中以叫他開live居多。

 

其實金庸巨著《倚天屠龍記》多年來一直不停被拍成電影、劇集,王晶去年尾宣布再翻拍,以延續其1993年《倚天屠龍記之魔教教主》。片中由40歲的林峯演張無忌;文詠珊係周芷若;劉浩龍飾宋青書;朱晨麗演殷素素;古天樂飾張翠山,甄子丹飾張三豐;黃浩然做青翼蝠王。而黃浩然嘅青翼蝠王造型就嚇倒唔少網民,笑問黃浩然係咪得罪咗導演或造型師,搞到塊面白晒咁大整蠱!

北上復工拍電影版《倚天》演青翼蝠王嘅黃浩然要自我隔離,每天量度兩次體溫。
北上復工拍電影版《倚天》演青翼蝠王嘅黃浩然要自我隔離,每天量度兩次體溫。
唔少粉絲提議他留在房間做運動。
唔少粉絲提議他留在房間做運動。

北上開工,黃仔要同老婆兒子分隔一段時間啦!
北上開工,黃仔要同老婆兒子分隔一段時間啦!
文詠珊(JM)之前一樣需在酒店隔離14天。
文詠珊(JM)之前一樣需在酒店隔離14天。

關鍵字

最新回應

關鍵字

相關新聞

熱門文章