星岛日报

复工北上拍《倚天》 黄浩然隔离期无所事事

2020-05-13 12:30
北上复工拍电影版《倚天》演青翼蝠王嘅黄浩然要自我隔离,每天量度两次体温。
北上复工拍电影版《倚天》演青翼蝠王嘅黄浩然要自我隔离,每天量度两次体温。

喺疫情下,娱乐圈唔少台前幕后人员都食白果,等运到,演员有工开真系相当幸运,黄浩然属幸运一群。随着内地疫情缓和,王晶开拍嘅新版《倚天屠龙记》剧组亦告复工,片中饰演青翼蝠王的浩然前日北上为入剧组做定准备,不过因为中、港两地检疫问题,浩然和文咏珊(JM)一样必需在酒店隔离14天。不过,呢个时势有得搵人仔,就算忍受吓隔都好过冇得搵。

 

昨晚浩然喺社交网发文,相中身处酒店,戴住眼镜,一脸风骚咬住枝探热针,还留言:「隔离的第二天,每天两次量度体温!要搵啲嘢做下,大家有咩好提议?#黄仔的日常#隔离的日常」,郑秀文、周柏豪都畀手瓜表情符号叫他加油,曹永廉留言:「兄弟!顶住!」有网民叫他开Live,有人叫他煲自己剧、追韩剧、唱歌、打机、做运动、做小手作送畀太太,当中以叫他开live居多。

 

其实金庸巨著《倚天屠龙记》多年来一直不停被拍成电影、剧集,王晶去年尾宣布再翻拍,以延续其1993年《倚天屠龙记之魔教教主》。片中由40岁的林峯演张无忌;文咏珊系周芷若;刘浩龙饰宋青书;朱晨丽演殷素素;古天乐饰张翠山,甄子丹饰张三丰;黄浩然做青翼蝠王。而黄浩然嘅青翼蝠王造型就吓倒唔少网民,笑问黄浩然系咪得罪咗导演或造型师,搞到块面白晒咁大整蛊!

北上复工拍电影版《倚天》演青翼蝠王嘅黄浩然要自我隔离,每天量度两次体温。
北上复工拍电影版《倚天》演青翼蝠王嘅黄浩然要自我隔离,每天量度两次体温。
唔少粉丝提议他留在房间做运动。
唔少粉丝提议他留在房间做运动。

北上开工,黄仔要同老婆儿子分隔一段时间啦!
北上开工,黄仔要同老婆儿子分隔一段时间啦!
文咏珊(JM)之前一样需在酒店隔离14天。
文咏珊(JM)之前一样需在酒店隔离14天。

最新回应

關鍵字

相關新聞

热门文章