星島日報

【等得好苦】健身室重開 胡定欣張繼聰爭住操肌

2020-05-09 10:00
胡定欣、胡蓓尉和張繼聰去到健身室個樣真係開心晒!
胡定欣、胡蓓尉和張繼聰去到健身室個樣真係開心晒!

受到「限聚令」影響,健身室早前被迫停業,一眾在健身室操慣肌的藝人,個個都大叫辛苦,呢日健身室有限度開業,呢班恨做Gym的藝人,當然爭住去報到啦!好似近一年冇拍過劇的胡定欣,就同好姊妹胡蓓尉齊齊在健身室打咭,她仲似乎唔多滿意自己身形,留言:「邊有肥呀?!咩喎...多左肉個度我無俾你睇到啫,FIT開既,多忽肉仔都嫌多,今日教練話"輕Can"做,我就話係”輕Can"地勁做,過程當然嗌酸又攰又痴線,但C都要頂住...ARRR!!~~~開始有得去返GYM,但大家記都要保持衛生,加油!#鬼鼠肉#可唔可以有個㩒左直接DELETE忽肉」另外,當然唔少得迷上健身多年的張繼聰,騷住老鼠仔咁自拍,寫道:「終於可以去見吓啲啞鈴,泵吓d肉仔啦!」仲有張寶兒和張達倫一樣好努力咁狂操。

胡定欣、胡蓓尉和張繼聰去到健身室個樣真係開心晒!
胡定欣、胡蓓尉和張繼聰去到健身室個樣真係開心晒!
胡定欣同好姊妹胡蓓尉約埋一齊去做。
胡定欣同好姊妹胡蓓尉約埋一齊去做。

張繼聰隻老鼠仔唔講得笑。
張繼聰隻老鼠仔唔講得笑。
張寶兒就留言:「起來啦肌肉!」
張寶兒就留言:「起來啦肌肉!」

張達倫亦寫道:「第一到第十之後⋯⋯雙腳已不是我的#我要掙扎」
張達倫亦寫道:「第一到第十之後⋯⋯雙腳已不是我的#我要掙扎」

最新回應

關鍵字

相關新聞

熱門文章