TVB疑放棄「偷食人夫」黎振燁 朱智賢僅停工14日過冷河

朱智賢（Ashley）周一（27日）驚爆背男友謝東閔偷食人夫黎振燁（Jackson），令一對「偷食男女」形象插水！前日，Ashley在謝東閔陪同下於電視城開記招，僅向「事件中受傷害的人」、合作新劇之演員及監製致歉，雖然她未有同Jackson太太講對唔住，但黎太昨日接受傳媒訪問時，已大方表示：「道唔道歉都唔緊要喇，我都擔心佢情況，希望佢快啲冇事！」按照TVB一貫作風，爆出桃色醜聞的旗下藝人一般會被掟入「雪櫃」作懲罰，惟今日有消息指，Ashley拍畢新劇《踩過界Ⅱ》後，將暫停為《東張西望》做主持兩個星期，結束14日觀察期後，她仍有望復工！

相反，原定拍畢新劇《食腦喪B》後，Jackson將與丁子朗合拍另一部以拳擊為題材的新劇，但據悉「後山偷食」事件曝光後，他已隨即被易角。看來就算懷孕8個月的黎太幫Jackson求情，暫時都似乎冇乜大作用！