同女友梁諾妍各有各運動 洪永城講明唔想輸畀大波謙

洪永城（Tony）18年同全職模特兒兼跑步與健身教練梁諾妍（Inez）拍拖後，一直感情穩定，Tony更加愛上做運動。近排忙於拍新劇《陀槍師姐2020》，呢日趁住有空檔又天氣好，就約埋朋友去公園做運動，佢仲在ig留言話：「同劇有一個叫做大波謙、一個係健美先生，我唔可以輸得太離譜。」而同一時間，女友Inez亦都有做運動，不過就唔係同Tony一齊去公園，反而留在喺屋企，由狗狗Coco陪住做，佢在ig貼出在家做運動相同片，仲留言：「最近健身室關閉，決心在家拍咗一連串的健身片同大家分享一下，希望幫助到大家留在家都可以郁動下，線條靚啲好好迎接夏天，希望大家喜歡，也會喜歡客串嘉賓Coco」而Tony亦都相當識做，亦有在女友ig寫道：「Coco好乖，有冇俾零食佢獎勵佢？」呢啲甜蜜互相，真係幾鬼sweet㗎！