【人人都係廚神】秘製陳記韭菜豬紅 陳敏之自誇超好味

受疫情影響，好多人都要Stay Home，社交平台多咗好多「廚神Post」，時間多咗咪試吓下廚囉，好似陳敏之就係其中之一，呢排佢多咗煮嘢食，最新有呢個陳記韭菜豬紅，屬街頭小吃，敏之話佢由細食到大，材料睇餸名就清楚晒，無錯，就係韭菜同埋豬紅，製作超簡單，只需5分14秒就搞掂，重點係當中嘅秘製陳皮魚蛋醬同埋蒜頭，因為可以殺菌，抗疫一流，之後加雞湯加水加酒加雞粉加白胡椒粉加老抽加糖再加豬紅同韭菜撈埋一堆，堪稱零難度，啱晒地獄廚神升呢之用。

對於自己作品有咩評價?陳敏之不斷講出嘩同好味，仲叫大家快啲試。