星島日報

【頭條獨家】唱出雙重打擊心路歷程 林子博出新歌同香港人打氣

2020-04-26 20:00
林子博自彈自唱新歌《男人心聲》,因為唱出自己嘅經歷所以好有Feel。另外,3月28日係子博夫婦結婚17周年,疫情下兩人出街食飯慶祝。
林子博自彈自唱新歌《男人心聲》,因為唱出自己嘅經歷所以好有Feel。另外,3月28日係子博夫婦結婚17周年,疫情下兩人出街食飯慶祝。

林子博近日推出新歌《男人心聲》,歌曲講述去年發生在他身上的事,包括面對愛妻患重病,以及被無綫裁員的心路歷程,好到肉:「疫情下好多人同樣經歷緊失業同減薪,甚至面對健康問題,我係一個人辦可以勉勵大家,既然我都過得到,大家都可以捱得過的。」採訪:方騫平 場地:919 Studio

林子博自彈自唱新歌《男人心聲》,因為唱出自己嘅經歷所以好有Feel。另外,3月28日係子博夫婦結婚17周年,疫情下兩人出街食飯慶祝。
林子博自彈自唱新歌《男人心聲》,因為唱出自己嘅經歷所以好有Feel。另外,3月28日係子博夫婦結婚17周年,疫情下兩人出街食飯慶祝。
子博同監製兼作曲人陳子敏齊拍新歌MV。
子博同監製兼作曲人陳子敏齊拍新歌MV。

因為唱出心聲,錄音時林子博唱到聲嘶力竭,監製兼作曲人陳子敏都好滿意,大讚子搏好投入,但要提示佢要留力。子敏仲話子博把聲夠厚實,有潛質做歌星。林子博透露老婆董燕君(Shirley)同埋10歲囝囝卓楠係佢Fans:「阿囝成日喺屋企唱,但佢感受唔到歌詞意思。Shirley話首歌好好聽,但就話我用8、90年代嘅老腔嚟唱,咁我係聽『歌神』學友嘅歌大,亦好鍾意佢啲歌,自然會無意中模仿學友tone,自己唔係全職歌手,剛起步階段,未甩到學友影子。」

4月4日係囡囡林詠渝15歲生日,一家人開心慶祝,好溫馨。
4月4日係囡囡林詠渝15歲生日,一家人開心慶祝,好溫馨。
月前子博幫港台拍《獅子山下2020》,演的士司機。
月前子博幫港台拍《獅子山下2020》,演的士司機。

老婆病況穩定
問到子博未來會否再出歌,他說要睇市場反應,「唔可以自我感覺良好,其實做呢首歌嘅初心,係想記錄去年發生嘅事,不論件事好定唔好都要記低佢,咁下次先知點做。今次唱片公司都有派歌畀TVB,但我唔再係TVB人,唔知佢哋用唔用,冇所謂嘅,有好多平台宣傳,隨緣啦。」提到太太病況,他表示完成化療後最近兩次報告,每次腫瘤都縮細咗1cm,西醫冇乜治療好做,主要觀察住進度,他有感而發:「名利對我唔再重要,一家健健康康,日日攬住大家經已好開心。香港人經歷緊疫症,唔只窮人染病,連富豪、政要都會中招,咁有名有利又點呀?去到疫情都冇分喇,所以大家應該會感受到我嘅心情。」

最近子博家中添上新成員狗仔Ted(譚仔),林家變得好熱鬧。
最近子博家中添上新成員狗仔Ted(譚仔),林家變得好熱鬧。
患平滑肌肉瘤(腹腔)嘅Shirley病情好轉,不過有時瞓前手指麻痺會好驚。
患平滑肌肉瘤(腹腔)嘅Shirley病情好轉,不過有時瞓前手指麻痺會好驚。

最新回應

關鍵字

相關新聞

熱門文章