【超有心機】家中自製迴轉壽司 車婉婉𠱁仔好有計

為令經常要Stay Home嘅囝囝BBQ快樂，車婉婉諗盡計仔，最新有自製迴轉壽司。製法好簡單，只要有火車，有路軌同有壽司就搞掂。婉婉話，「高齡日誌之迴轉壽司，大家暫時不能外出敍（聚）會，不妨考慮自製迴轉(壽司)，開心吓啦！Happy Saturday!所以仔仔捐出火車，大家可以迴轉好耐。BBQ見到非常興奮，食咗八嚿，吃貨BBQ食到舔舔脷。」

睇片BBQ真係食得好興奮，不時開心大叫，屋企個廳夠大，又有火車玩具嘅不妨試吓。