星島日報

帶大女行山抗疫 方媛上載愛心牛肉麵晒幸福

2020-04-15 20:47
方媛網上貼圖帶女行山,不忘大讚城城煮嘅愛心牛肉麵好好味。
方媛網上貼圖帶女行山,不忘大讚城城煮嘅愛心牛肉麵好好味。

育有兩女的「城嫂」方媛依然容光煥發,身材Fit到爆,原來她專心湊女,打埋家頭細務同時,仲會keep住做運動,絕對唔許容自已變成黃面婆,肥師奶。今日她喺微博上載行山相,相中除她之外,仲有埋大女Chantelle(大寶),戴住粉紅色口罩嘅大寶更加正面出鏡,雖然只係露咗一雙精靈嘅眼仔,但束咗孖辮相當可愛,見她上衣、口罩、波鞋同背包都襯晒色,明顯經過大人幫她悉心打扮。至於方媛都戴晒口罩、空氣淨化機,同太陽眼鏡,喺疫情下有備而戰。縱使方媛同樣穿上牛仔褲同波鞋,因為由低角度影上去,她依然可以晒到一雙長腿,十分吸睛。

另外,方媛又上載咗抗疫生活圖片,早上享用由爸爸(郭富城)煮嘅愛心麥皮及牛肉麵,還晒幸福大讚住家男老公城城,留言說:「早餐爸爸煮的麵,太好吃,不夠我吃。」又,平日她會出去剪頭髮,再去超級市場掃大包朱古力、雪糕等零食。每晚都會同囡囡講故事,待囡囡休息後嘅私人時間會敷mask、睡前舉啞鈴及玩健身帶。

方媛網上貼圖帶女行山,不忘大讚城城煮嘅愛心牛肉麵好好味。
方媛網上貼圖帶女行山,不忘大讚城城煮嘅愛心牛肉麵好好味。
行山不忘晒美腿。
行山不忘晒美腿。

出發去行山。
出發去行山。
食愛心早餐。
食愛心早餐。

出門剪靚髮。
出門剪靚髮。
去超市掃零食。
去超市掃零食。
同囡囡講故事。
同囡囡講故事。
敷吓mask美肌。
敷吓mask美肌。
舉啞鈴及玩健身帶操練。
舉啞鈴及玩健身帶操練。

最新回應

熱門文章