【多謝科技】陪兩歲囝囝屋企學習 吳雨霏發現新興趣

吳雨霏(Kary)家有一對分別就快兩歲及七個月大仔女，未有疫情前，Kary都因為要照顧小朋友而暫停演藝事業，家陣更加唔使講，不過，Kary好享受湊仔，今日就喺ig分享大仔Asher用iPad Pro「上堂」嘅點滴。

佢話從未如此感謝科技嘅發達，因為Asher用平板電腦睇動物紀錄片同畫畫，Kary表示，「Asher鍾意戶外活動，但佢又可以用平板電腦睇到好多佢鍾意嘅動物知識。」最後仲話自己發現咗新嘅興趣，睇佢Share嘅片，應該就係畫畫嘞。