带大女行山抗疫 方媛上载爱心牛肉面晒幸福

育有两女的「城嫂」方媛依然容光焕发，身材Fit到爆，原来她专心凑女，打埋家头细务同时，仲会keep住做运动，绝对唔许容自已变成黄面婆，肥师奶。今日她喺微博上载行山相，相中除她之外，仲有埋大女Chantelle（大宝），戴住粉红色口罩嘅大宝更加正面出镜，虽然只系露咗一双精灵嘅眼仔，但束咗孖辫相当可爱，见她上衣、口罩、波鞋同背包都衬晒色，明显经过大人帮她悉心打扮。至于方媛都戴晒口罩、空气净化机，同太阳眼镜，喺疫情下有备而战。纵使方媛同样穿上牛仔裤同波鞋，因为由低角度影上去，她依然可以晒到一双长腿，十分吸睛。

另外，方媛又上载咗抗疫生活图片，早上享用由爸爸(郭富城)煮嘅爱心麦皮及牛肉面，还晒幸福大赞住家男老公城城，留言说：「早餐爸爸煮的面，太好吃，不够我吃。」又，平日她会出去剪头发，再去超级市场扫大包朱古力、雪糕等零食。每晚都会同囡囡讲故事，待囡囡休息后嘅私人时间会敷mask、睡前举哑铃及玩健身带。