星島日報

【頭條獨家】全男班拍劇風騷滿場飛 洪永城一提朱晨麗即皺眉

2020-04-07 21:00
眉頭緊皺

傳朱晨麗不滿洪永城喺劇集《多功能老婆》中臨時加攬啜戲反目,洪永城一聽到朱朱個名就皺晒眉。
眉頭緊皺 傳朱晨麗不滿洪永城喺劇集《多功能老婆》中臨時加攬啜戲反目,洪永城一聽到朱朱個名就皺晒眉。

因「鹹豬嘴」事件,傳洪永城(Tony)同朱晨麗擘晒面,所以年底開拍《多功能老婆》續集兩人無望再合作!雖然是非纏身,但日前洪永城跟鄭俊弘(Fred)及羅仲謙等拍方駿釗監製嘅新劇《陀槍師姐2020》時就滿場飛好風騷,始終男人戲,冇咁多顧忌!但一提到朱晨麗個名Tony就收晒笑容,眉頭緊皺話:「No Comment,大家都要大方啲,件事快啲過咗去就算。」採訪:方騫平 攝影:李維隆


有傳朱晨麗不滿洪永城拍攝劇集《多功能老婆》臨時加攬啜戲,有指Tony反嬲爆朱朱小題大做,兩人勢成水火,續集有你冇我!好彩Tony喺新劇《陀槍師姐2020》中同鄧佩儀冇咀戲,唔使煩,而且劇中講他同鄭俊弘爭做社團大佬,戲份好重兼且好有發揮。所以日前他風騷地回歸劇組,喺壽臣山深水灣徑一間餐廳內,同黑幫頭目鄭俊弘、黑幫手下羅仲謙及警長李成昌等全男班拍一場黑社會講數戲,戲內的Tony一臉嚴肅,戲外笑晒口,同演員嘻嘻哈哈,有講有笑,Tony見大家咁歡喜,仲「萬歲」魚蛋及蛋撻請劇組食Tea!連準備上車走人,趕返屋企慰妻嘅謙謙都返轉頭,攞返個蛋撻先閃。

眉頭緊皺

傳朱晨麗不滿洪永城喺劇集《多功能老婆》中臨時加攬啜戲反目,洪永城一聽到朱朱個名就皺晒眉。
眉頭緊皺 傳朱晨麗不滿洪永城喺劇集《多功能老婆》中臨時加攬啜戲反目,洪永城一聽到朱朱個名就皺晒眉。
合作愉快

洪永城、鄭俊弘及羅仲謙合作得相當愉快。
合作愉快 洪永城、鄭俊弘及羅仲謙合作得相當愉快。

有工開好開心

問到拍男人戲冇乜顧忌,係咪開心啲?Tony笑說:「其實係男係女,每日拍嘢都開心嘅,因為個景問題,之前休息咗兩星期,雖然有得唞吓,但我覺得咁樣反而唔好,好似部機器撻着咗又停返落嚟,喺屋企又好悶,好妒忌其他演員有工開,不時追問佢哋拍成點,講啲經歷嚟聽吓?所以尋晚有啲緊張,幾乎瞓唔着,嚟緊有幾場重要戲,好期待,好玩呀。」見他滿場飛,心情係咪冇受是非影響?他說:「今日好開心,好掛住劇組,所以萬歲埋。」

多跟對手溝通

提到同朱朱擘面事件,洪永城即收起笑容,眉頭緊皺煞有介事話No Comment:「我想完結咗件事,唔想再談論,過咗去就算! (係咪做男人要大方啲?)希望大家都大方啦,唔係淨係男士嘅,女士都要大方,大家都要大方。」問到下次同女演員拍感情戲,溝通方面會否做多少少,以免再有誤會?Tony即答,「建議好好,下次再謹慎啲去溝通,或者有任何肢體上合作,再特別留意多啲,就算呢套劇冇太多感情戲,但將來都冇得避免,都係做返自己要做嘅工作囉。」他直言想拍《多功能老婆》續集,但會唔會同朱晨麗合作做返兩公婆,一切交由公司安排,他強調:「同佢係工作夥伴及同事,我冇要求唔同佢合作,公司要我哋合作都要合作㗎啦,大家努力工作做個好同事,冇問題。」

風騷請tea

洪永城自年幾前拍完《黃金有罪》後就冇劇拍,最近喺疫情下重新有工開,他開心得請劇組食tea。
風騷請tea 洪永城自年幾前拍完《黃金有罪》後就冇劇拍,最近喺疫情下重新有工開,他開心得請劇組食tea。
認真工作

洪永城專心工作,努力咪劇本。
認真工作 洪永城專心工作,努力咪劇本。

興奮迎接BB女

另外,羅仲謙上周首度公開BB性別,但之前他接受本報訪問時,已口快快暗示楊怡陀B女。問到恨生女的謙謙如願以償係咪特別興奮?他說:「生仔生女都一樣開心,不過身邊朋友話生女更加開心,因為『前世情人』第時會黐住爸爸,會爭寵,做爸爸會好有成功感!」他又笑言𠵱家Keep住留爸爸鬚,睇落會成熟同順眼好多,「睇返重播劇《On Call 36小時》,見到自己個樣不堪入目,好醜怪,阿怡話我最好keep住有鬚,冇鬚好似冇着褲咁。」而Fred一度擔心何雁詩中咗新冠肺炎,好彩只係虛驚一場,他開心報喜:「We are fine!thank you!」唔使愁未婚妻,咁就可以專心演處男奸角及籌備婚禮了!

保重身體

謙謙暖水壺不離身,始終覺得有暖水濕住喉嚨較有安全感。
保重身體 謙謙暖水壺不離身,始終覺得有暖水濕住喉嚨較有安全感。
上車食撻

原本上車的謙謙行返轉頭拎撻上車食。
上車食撻 原本上車的謙謙行返轉頭拎撻上車食。
09
冇親熱戲

洪永城同鄧佩儀喺《陀槍》有感情戲,但冇親熱鏡頭。
09 冇親熱戲 洪永城同鄧佩儀喺《陀槍》有感情戲,但冇親熱鏡頭。
得償所願

羅仲謙強調老婆生仔女生女都一樣咁開心,但生女就更開心。
得償所願 羅仲謙強調老婆生仔女生女都一樣咁開心,但生女就更開心。
如期註冊

因為疫情問題,鄭俊弘同何雁詩將於年尾舉行的美加婚禮可能有變數,但Fred話點都會如期簽紙註咗冊先。
如期註冊 因為疫情問題,鄭俊弘同何雁詩將於年尾舉行的美加婚禮可能有變數,但Fred話點都會如期簽紙註咗冊先。
非常投契

鏡頭外一班男演員傾得好開心
非常投契 鏡頭外一班男演員傾得好開心

最新回應

關鍵字

相關新聞

熱門文章