【头条独家】全男班拍剧风骚满场飞 洪永城一提朱晨丽即皱眉

2020-04-07 21:00
眉头紧皱

传朱晨丽不满洪永城喺剧集《多功能老婆》中临时加揽啜戏反目,洪永城一听到朱朱个名就皱晒眉。
眉头紧皱 传朱晨丽不满洪永城喺剧集《多功能老婆》中临时加揽啜戏反目,洪永城一听到朱朱个名就皱晒眉。

因「咸猪嘴」事件,传洪永城(Tony)同朱晨丽擘晒面,所以年底开拍《多功能老婆》续集两人无望再合作!虽然是非缠身,但日前洪永城跟郑俊弘(Fred)及罗仲谦等拍方骏钊监制嘅新剧《陀枪师姐2020》时就满场飞好风骚,始终男人戏,冇咁多顾忌!但一提到朱晨丽个名Tony就收晒笑容,眉头紧皱话:「No Comment,大家都要大方啲,件事快啲过咗去就算。」采访:方骞平 摄影:李维隆


有传朱晨丽不满洪永城拍摄剧集《多功能老婆》临时加揽啜戏,有指Tony反嬲爆朱朱小题大做,两人势成水火,续集有你冇我!好彩Tony喺新剧《陀枪师姐2020》中同邓佩仪冇咀戏,唔使烦,而且剧中讲他同郑俊弘争做社团大佬,戏份好重兼且好有发挥。所以日前他风骚地回归剧组,喺寿臣山深水湾径一间餐厅内,同黑帮头目郑俊弘、黑帮手下罗仲谦及警长李成昌等全男班拍一场黑社会讲数戏,戏内的Tony一脸严肃,戏外笑晒口,同演员嘻嘻哈哈,有讲有笑,Tony见大家咁欢喜,仲「万岁」鱼蛋及蛋挞请剧组食Tea!连准备上车走人,赶返屋企慰妻嘅谦谦都返转头,攞返个蛋挞先闪。

眉头紧皱

传朱晨丽不满洪永城喺剧集《多功能老婆》中临时加揽啜戏反目,洪永城一听到朱朱个名就皱晒眉。
眉头紧皱 传朱晨丽不满洪永城喺剧集《多功能老婆》中临时加揽啜戏反目,洪永城一听到朱朱个名就皱晒眉。
合作愉快

洪永城、郑俊弘及罗仲谦合作得相当愉快。
合作愉快 洪永城、郑俊弘及罗仲谦合作得相当愉快。

有工开好开心

问到拍男人戏冇乜顾忌,系咪开心啲?Tony笑说:「其实系男系女,每日拍嘢都开心嘅,因为个景问题,之前休息咗两星期,虽然有得唞吓,但我觉得咁样反而唔好,好似部机器挞着咗又停返落嚟,喺屋企又好闷,好妒忌其他演员有工开,不时追问佢哋拍成点,讲啲经历嚟听吓?所以寻晚有啲紧张,几乎瞓唔着,嚟紧有几场重要戏,好期待,好玩呀。」见他满场飞,心情系咪冇受是非影响?他说:「今日好开心,好挂住剧组,所以万岁埋。」

多跟对手沟通

提到同朱朱擘面事件,洪永城即收起笑容,眉头紧皱煞有介事话No Comment:「我想完结咗件事,唔想再谈论,过咗去就算! (系咪做男人要大方啲?)希望大家都大方啦,唔系净系男士嘅,女士都要大方,大家都要大方。」问到下次同女演员拍感情戏,沟通方面会否做多少少,以免再有误会?Tony即答,「建议好好,下次再谨慎啲去沟通,或者有任何肢体上合作,再特别留意多啲,就算呢套剧冇太多感情戏,但将来都冇得避免,都系做返自己要做嘅工作罗。」他直言想拍《多功能老婆》续集,但会唔会同朱晨丽合作做返两公婆,一切交由公司安排,他强调:「同佢系工作夥伴及同事,我冇要求唔同佢合作,公司要我哋合作都要合作㗎啦,大家努力工作做个好同事,冇问题。」

风骚请tea

洪永城自年几前拍完《黄金有罪》后就冇剧拍,最近喺疫情下重新有工开,他开心得请剧组食tea。
风骚请tea 洪永城自年几前拍完《黄金有罪》后就冇剧拍,最近喺疫情下重新有工开,他开心得请剧组食tea。
认真工作

洪永城专心工作,努力咪剧本。
认真工作 洪永城专心工作,努力咪剧本。

兴奋迎接BB女

另外,罗仲谦上周首度公开BB性别,但之前他接受本报访问时,已口快快暗示杨怡陀B女。问到恨生女的谦谦如愿以偿系咪特别兴奋?他说:「生仔生女都一样开心,不过身边朋友话生女更加开心,因为『前世情人』第时会黐住爸爸,会争宠,做爸爸会好有成功感!」他又笑言𠵱家Keep住留爸爸须,睇落会成熟同顺眼好多,「睇返重播剧《On Call 36小时》,见到自己个样不堪入目,好丑怪,阿怡话我最好keep住有须,冇须好似冇着裤咁。」而Fred一度担心何雁诗中咗新冠肺炎,好彩只系虚惊一场,他开心报喜:「We are fine!thank you!」唔使愁未婚妻,咁就可以专心演处男奸角及筹备婚礼了!

保重身体

谦谦暖水壶不离身,始终觉得有暖水湿住喉咙较有安全感。
保重身体 谦谦暖水壶不离身,始终觉得有暖水湿住喉咙较有安全感。
上车食挞

原本上车的谦谦行返转头拎挞上车食。
上车食挞 原本上车的谦谦行返转头拎挞上车食。
09
冇亲热戏

洪永城同邓佩仪喺《陀枪》有感情戏,但冇亲热镜头。
09 冇亲热戏 洪永城同邓佩仪喺《陀枪》有感情戏,但冇亲热镜头。
得偿所愿

罗仲谦强调老婆生仔女生女都一样咁开心,但生女就更开心。
得偿所愿 罗仲谦强调老婆生仔女生女都一样咁开心,但生女就更开心。
如期注册

因为疫情问题,郑俊弘同何雁诗将于年尾举行的美加婚礼可能有变数,但Fred话点都会如期签纸注咗册先。
如期注册 因为疫情问题,郑俊弘同何雁诗将于年尾举行的美加婚礼可能有变数,但Fred话点都会如期签纸注咗册先。
非常投契

镜头外一班男演员倾得好开心
非常投契 镜头外一班男演员倾得好开心
關鍵字

最新回应

關鍵字

相關新聞

热门文章