指老公不介意被爆私隱 吳若希懶理網民負評：唔鍾意咪睇

吳若希（Jinny）到電台宣傳新歌，目標是做好宣傳。問到目標應否是「收吓把口」，不要再爆老公私隱？她說：「我老公不介意喎！冇叫我不要講。其實好正常啫（指自慰），幾多歲呀？（有人認為你教壞小朋友Fans？）我凌晨時份才開Live，相信現在的小朋友不用我教啦！我細佬10歲都已經問我性問題啦，每個人都要經歷，好正常啫，不是私人事。」
對網民負評如潮，留言問她老公為何會娶她入門？Jinny說：「我的確是入了家門喎！留言的網民應該冇睇Live，有睇的都很開心，大家開心就得啦！鍾意睇就睇，唔鍾意睇就不要睇囉！」她又寸寸貢說：「大家（指傳媒）最近都冇咩嘢做，咪當畀啲嘢大家寫囉！」