【維港會】關則輝變身「財神」 一萬蚊隨緣送贈清潔工打氣

財爺上周《財政預算案》中宣布向18歲以上港人派1萬蚊，恒隆傳訊及投資者關係董事關則輝（CF）雖然未收到政府嗰1萬，但已率先化身「財神」，預備咗1萬元現金，隨緣送贈給清潔工，答謝佢地疫情下堅守崗位，不辭勞苦地為本港衛生出力。

CF日前喺社交媒體公布有關消息，唔少朋友搞笑留言，要求佢提供出行路線，又紛紛上報自己是家中清潔工，希望能得到CF嘅「獎勵」。有朋友就好細心，提議佢用利是封，既衛生亦好睇啲，CF亦從善如流，立即封咗100封「又大又細又紅又黃」嘅利是。佢仲話，有清潔姐姐收到利是覺得好奇怪，知道原因後「好開心，問我係咪議員」。

截至昨日，CF派咗2600蚊，佢話要加油派錢！