【维港会】关则辉变身「财神」 一万蚊随缘送赠清洁工打气

财爷上周《财政预算案》中宣布向18岁以上港人派1万蚊，恒隆传讯及投资者关系董事关则辉（CF）虽然未收到政府嗰1万，但已率先化身「财神」，预备咗1万元现金，随缘送赠给清洁工，答谢佢地疫情下坚守岗位，不辞劳苦地为本港卫生出力。

CF日前喺社交媒体公布有关消息，唔少朋友搞笑留言，要求佢提供出行路线，又纷纷上报自己是家中清洁工，希望能得到CF嘅「奖励」。有朋友就好细心，提议佢用利是封，既卫生亦好睇啲，CF亦从善如流，立即封咗100封「又大又细又红又黄」嘅利是。佢仲话，有清洁姐姐收到利是觉得好奇怪，知道原因后「好开心，问我系咪议员」。

截至昨日，CF派咗2600蚊，佢话要加油派钱！