星島日報

【維港會】怒斥交幾萬學費要停課在家 澳門「怪獸父母」促復課

2020-03-02 19:49

新冠肺炎疫情仍然未受控,澳門至今一共出現10宗確診個案。為防因緊密接觸散播病毒,澳門教育暨青年局早前已宣佈,4月尾才正式復課。不過近日在澳門電台一個phone in節目中,一名姓張的媽媽就斥責澳門教青局延期復課。

「本身諗2月尾可以復課,然後無啦。之後3月頭啦,點知又無聲氣,諗住3月中應該得喇掛,琴日聽到4月尾先會復課,真係晴天霹靂!」她指自己育有2個小朋友,一個就讀小學,另一個就讀幼稚園,每日就留在家中吵鬧玩耍。

「有啲人嘅小朋友已經困到傻咗…… 日日喺屋企唔係打機就係打交,就係做呢兩樣嘢!」

她認為當局要懂得體恤,因為有部分家庭要同時照顧老人家和小朋友,每天都忙得不可開交,又指身邊的同事朋友都十分希望可以盡快開學。「依家出面流行緊嘅係一個叫肺炎嘅病毒,依家唔係流行緊伊波拉病毒!因為(疫情)已經告一段落喇!」

主持人聞言之後反問,是否認為新冠肺炎疫情並不嚴重,之後她就解釋指,理解問題在於澳門3000名跨境學童,但覺得應該要以本地學童首要考慮。「你唔係為咗遷就3000個跨境學童,而令到我哋學習進度嚴重滯後!去到4月尾(復課),人都癲!」

張媽媽透露自己已為小朋友繳交兩萬多學費,但她強調自己並不是不忿金錢付諸東流。「我個仔唔使交學費,個女要交幾萬蚊學費,但一日學都未返過。仲有教青局唔開學,連帶好多課外活動都要停。因為我覺得小朋友一個正常生活,就係要學習,即係返學佔大部分,課外活動就佔其他部分。」她又不滿公共設施暫停開放:「圖書館又無開,你叫小朋友去邊?係有不少家長都聽政府話,唔好出去,但係我唔buy呢一套囉!」

最新回應

熱門文章